ولدي رافض الصناعي

ولدي عمره شهرين و نص و يرضع طبيعي، في اول شهر بس اخذ كم وضعه صناعي ..
وين المشكله، اللحين رافض تماما صناعي وانا إخس الموضوع أتعبني صرت مااحب اطلع للناس او اروح سوق او مشاوير طويله اكثر من ساعتين برا البيت لان صعب وإحراج الوضع
انا اشفط من صدري وأعطيه بالرضاعة و يشرب لكن هاليومين بدا يرفضها لان حطيت فيها صناعي
الشفط صراحه متعب كل ماجيت اطلع اجلس نص ساعه قبل اشفط و تكفي رضعة وحده!
الغريب ولا مرة بالاجتماعات شفت وحده ترضع فاحسه شي محرج و مو مريح بالنسبه لي خاصه قدام الأغراب
وبرضوا لو كنتي بالسيارة مع سائق غير محرم مثلا
مدري وش الحل والله
انحرمت من الحياة الاجتماعية بسبب هالشي

4 تعليق 1,874 مشاهدة

شاركي في النقاش

سجلي الدخول لإضافة تعليق.

التعليقات

4
  1. @amany_61

    عادي جدا
    كثير اطفال ترفض الام وكثير اطفال ترفض الرضاعه الصناعي
    ومعظم الامهات اللي زيك تنلغي حياتهم الاجتماعيه ولسا المشوار طويل توه شهرين
    نصيحتي لك الرضاعه الطبيعيه مره مهمه واكيد احسن من الصناعي فعادي حاولي تاقلمي نفسك كلنا انحبسنا فتره في البيت علشان اطفالنا
    والصناعي عوديه اشوي اشوي
    وارجعي اشفطي واعطيه بيتعود مره مرتين ومرده بيستسلم. هذا في حال كنتي راغبه بالصناعي.
  2. @lara_6

    حاولي تشفطي كل يوم وحطي الحليب المشفوط بالفريزر وواستخدميه وقت طلعاتك.
    الحليب ممكن يقعد بالشهور في الفريزر.
  3. @alhmdllh_38

    بس اول ٦ شهور متعبه بعدين ياكل وتصرفينه وقت الطلعه ، والحين واذا بتطلعين ارضعيه طول طريق واذا رحتي سوق لا تطولين ميخالف ضحي عشانه وعشان صحته ، واذا بتناظرين ناس بتضرين ولدك عشانهم اذا ولدك يرضع طبيعي خلاص خليه روحي بغرفه صاده عنهم وارضعيه بيجيك تحبيط انه ربطه وغثا وقلق بس هذا حق من حقوقه حرام تحرمينه منه وكل ما ارضعتي صدقيني بببتشوفين صعوبه منك بفطمه كل ماجيتي تفطمينه يضيق صدرك ماودك وتكملين .. صدقيني بس اول شهور تعب واصلا حتى صناعي تعب اول شهور .. خليك قويه واصبري .. الا اذا تاكلين حبوب منع حمل مو للرضاعه ترا يقل حليب .. خوذي حقات رضاعه والله يقويك ياقلبي ويحفظ لك بيبيي
  4. اول اربع شهور تكون الرضاعة بستمرار بعدها يبدا الطفل يجوع كل ثلاث ساعات
    وعلى عمر الست شهور تقدري تأكليه ويظل فترة شبعان
    انا فطمت بنتي على عمر سبع شهور وندمته فطمتها عشان اعطيها صناعي يزيد وزنها ولازاد وزنها ولا شيء


    لا تحرمي طفلك عشان الخرجات لاحقة عليها
    الله يكتب أجرك

تابعي تجارب أخرى من هذا القسم.