تباشير ((8)) لـِ مواليد مآيو وَ يونيو 2018 🐣🎊

اللهم امين

جربت الخلطه وماعاد نزل شي نفس الكميه☹️تنزل تنقط خفيف قلت اجربها خفت مانظف رحمي
شكله نظفوني من قلب
الحمدلله.

مساء الورد ياعسولات اخباركم ياحلوووووين ومبروك للي ولدو الحمد لله على سلامتكم يارب واللي باقي ماولدت ربي يسهل عليها ويهون لها يارب ويجعل ولادتها سهله كلمح البصر
اعذروني والله على قل الدخول بس والله تعبانه يابنات عظامي متفككه بقوه الله لايضيع لنا اجر
قلت اكتب لكم اكشن ولادتي بما أني ريحت شوي الحمد لله
مثل ماتعرفون ياعسولات إنّو الدكتور شخط لي ٤ أسابيع وطيرني من السابع للتاسع المهم كانت أموري مآشيه تمام بس ثقل برجلي ماارفعها الا بيدي من ثقلها والنفسية لكم عليها شوي..كنت خايفه يولدوني وانا لسى بالثامن ..المهم ياعسولات رحت موعدي يوم الأحد وقالت لي الدكتوره انتي بالأسبوع ال٣٩ وإذا ماولدتي راح نولدك الأسبوع الجاي بطلق صناعي قلت اووك وان شاء الله أولد قبل ،، وكنت دايم ادعي ربي اللهم اجعل ولادتي كلمح البصر واشرب ماء زمزم طول الشهر التاسع بس كنت مقصرة بالمشي مامشيت الا مرتين كل مره ربع ساعه فقط وبصراحة هذا شي مو حلو حاسه أني ادفع ضريبته الحين من الم العظام مدري اذا له علاقه او لا
المهم بعد ماطلعت من الدكتوره يابنات وركبت السياره حسّيت ببلل وصلت البيت مسحت لقيتها موية خفيفه ما بللت الكلوت بس بالمنديل مبينه شفافة وخفيفة مره مع شوي أفرازات غليظة وخطوط رقيييييقه دم ماتشوفينها بالساهل واستمرت الا يوم الأربعاء كل يوم اكثر وأغلظ من اليوم اللي قبله وكنت خايفه اروح ويولدوني صناعي واللي طمني حركة الجنين طبيعية ،، اخر يومين اللي هي الأربعاء والخميس جتني الام قوووويه
يوم الأربعاء تحملتها وقوميتها بس يوووم الخميس ماقدرت مرره تعبت ..جاء زوجي من الدوام ونام وانا صحيت وحسيت إنّو فيه شي بينزل مني بس مو عارف كيف ينزل
شربت لي حليب ساخن وقمت أدور بالبيت واصبر نفسي وكل مامسكني الالم أقوم والدهن بطني بزيت زيتون ساخن ماكان عندي حبة البركة وشربت موية زمزم والطلق معي ماسك مو راضي يفك الا دقيقتين ثلاث وإمكان منتظم بس خفت لماشفت حركة الجنين مو محسوسة بس اذا انسدحت على بطني أشوفها والالم أبد مو محتمل فوق المنطقة الحساسه ويسار البطن وفخذي اليسار .. وجاني يابنات استفراغ وأنتم بكرامه ذبحني .. صحيت زوجي الساعة ٣ ونص وطلعنا من البيت ٤ على بال ماوصلت الطوارى وخلصت الإجراءات ودخلت وكشفت علي قالت مفتوح ٥ سم انتي ولاده غيرت ملابسي ودخلت قسم الولاده على الساعة ٦ وكان الطلق حامي بس فيه فكة ترتاحين وكنت مجهزة لستت اسماء عشان ادعي لهم بالطلق دعيت للي خطر على بالي ودعيت لكم والله دعوه جماعيه جتني الدكتوره يابنات وسألتني السؤال اللي كنت خايفه منه
تقول عادي تولدين بالثامن 😳😳قلت نننننععععععممممم قالت انتي مالك الا يوم بالتاسع 😫قلت لا أنتم قلتو وأنتم قلتو وقصير لها القصه وانا بقممممة الوجع كني ناقصه احد يضيق صدري قالت المهم الساعة ٧ بنفتح المويه قلت لاتنسين ابي كمام قالت مافيه قلت طيب مسكّن قالت خلاص بخلي القابلة تعطيك مسكّن ،،، طلعت الدكتوره وماعاد شفتها 😢كشفت القابلة الساعة ٧ وقالت ٥ سم قلت مجنونه انتي لي ساعتين وآخر شي مافتح مستحييييل قالت بفتح المويه وأعطيك المسكن قلت يالله بس كثري مسكّن قالت أبشري

الف مبروك والحمد لله على السلامه 🎉🎉🎊🎊💐💐

فجر فجر فجر
طمنينا عليك وعلى البيبي كيفها الحين