التجمع ١٠٧ للمقبلات على الحقن المجهري واطفال الانابيب

كل شي بيد الله سبحانه وتعالى
بس توي اعرف ان ثالث يوم افضل لان بأخر مره سويتها رجعت الاجنة بخامس يوم والله كتب لي الحمل الحمدالله بس ماكمل ووقف نمو الجنينين بالشهر الثالث وكنت اخذ اسبرين وابر سيولة

واعتقد سبب توقف نمو الجنينين بسبب خارجي واعتقد اني شاكه بشي معين والله يعيني عليه

يقولون اذا الشهر الثالث ما يكون سليم الجنين اذا تجاوز الشهر الثالث تجاوز بأمر الله هالشي
اما الترجيع ما تفرق كثير
حسب عدد الاجنة شافو اجنة كثير ينتظرون خامس يوم عشان يشوفو من يصل منهم ويكون أسرع بالانقسام
واحيانا في حالات نادرة تكوم هناك مجموعة اجنة وينتظرون خامس يوم ثم كلها ما تستمر
من جنينين وأقل على طول ثالث يوم

لو الجنينين وقف نموهم كذا بدون شي كان قلت اوك
بس بأخر حملتين لي يجيني نفس الحلم بالضبط وبعده يوقف النمو وسألت عدة شيوخ عن الحلم وقالوا لي ان تفسير الحلم شي خارجي يوقف حملك
وغلطتي ان لما كنت اقرأ سورة البقرة كنت اقرا نصها الظهر ونصها بالليل مو بشكل متواصل وهذا اكبر غلط
ولازم مايتكرر
والله يعين وما اقول الا حسبي الله ونعم الوكيل

كلامك صحيح والاخت اللي تكلمت مره بهالموضوع كلامها منطقي وقلت لدكتوري عن نافذة الانغراس اللي هي اليوم المناسب للترجيع استغرب مني قال شكلك تقرين كثير هذي النقطه لسا الدراسات قائمه عليها وكنت بمؤتمر نناقشها
طلبت منه اتاخر بالتنشيط زي المره الاخيره رفض قالي المره اللي فاتت عشان ظروفك
فعلا انا كانت ابغا اتاخر بالتنشيط وجت ظروف اضطرتني اتاخر لليوم الرابع والحمدلله بديت بس ربي ماكتب لها النجاح كان ترجيع باجنة اليوم الثالث باليوم 17من الدوره
قلت له ودي المره الجايه انشط واجمد اجنتي لشهر اللي بعده عشان بطانة الرحم رفض

ربي يعوضني بالمحاوله الجايه

ربي يعوضك بالحمل الجاي يارب ولا توقفين قرايتها