دمرت ولدي وخليته ضعيف شخصية كيف اغير منه

دخليه وخليه مع الرجال
دخليه نااادي
نبهيهه على احطاءه لازم يرد لازم يقول

تقول ارملة الله يلحقك فيه خير

اوه معليش م انتبهت لكلمة أرمله سامحيني

يعمري ،،، الله يفرحك فيه وتشوفينه شخصية تشرفك


اشوى اكتشفتيه ،، من الان غيري تعاملك معه وهذي نقاط تفيدك ان شاء الله


—. لا تقولين له ع المحادثة اللي شفتيها انتبهي تراه بيحزن ويتفشل ويحس انك اكتشفتي ضعفه ولا عاد يثق فيك ،، وهو الحمد لله طالما مشارك اصحابه في قروب ويتكلم معهم يعني عنده قابلية يتغير اهم شي ما انعزل بنفسه عن زملائه


- ابدئي اشعريه بحبك وحاجتك له وقيمته في قلبك ،، احضنيه دايم وهو رايح للمدرسة وهو راجع وقبل لا ينام وان جا من اي مشوار وعبري له كلمات محفزة مشجعه ياعمري انت ياقلبي يانور عيني ،، وخليه يشوف سعادتك بشوفته وترحيبك بشوفته واكثري جلوس معه وسولفي معه انه رجل لا تعاملينه طفل ،،، الحمد لله انه في اول سن المراهقه تداركتيه هو الان احوج للدعم النفسي البي يعزز ثقته بنفسه


- اعتمدي عليه في امور الييت فهميه انت ابونا ترى انت ولي امرنا ،،، الحمد لله ان الله رزقني بك عشان تعوضنا عن فقد ابوك ،، المهم الييت فيه رجال ،، واوكلي له بعض المهام اللي تقوي ثقته بنفسه ..
- اياك والعقاب بالضرب ولا بالشتم والتحقير ،، او الصراخ والصوت العالي واعتمدي الحوار والنقاش في توجيهه ... وان زعّلك بأي تصرف سواه ،، وضحي له انك كرهتي التصرف الخطأ وماكرهتي ولدك ،، ( يا وليدي ياحبيبي الله يرضى عليك انا احبك لكتي ما احب....... التصرف


- ادعي له دايم بالتوفيق والصلاح والهداية ... الخ وهو يسمع سواء اذا قدم لك خدمة تدعين مثلا شكرا الله يرضى عليك ويرضيك ،، وان ذاكر الله يفتح لك ابوب الخير
او مثلا اذا انتي تدعين الله مستقبلة القبلة ورافعة يدك ادعي له بالأسم وكأنك مو منتبهة انه يسمع

ا- انتبهي له لا يحط حرته في الاجهزة والنت تسرقه منك ويحط كبته فيها

اخواله سلبيين ومادروا عنه
للاسف ماعندي احد يختلط به