دمرت ولدي وخليته ضعيف شخصية كيف اغير منه

النادي في بلاوي وتحرشات
وماحد يروح معاه كبير

دمعت عيوني وانا اقرأ كلامك

حبيبتي شكرا لك

الموضوع حساس ..واللي فات مات ابداي صفحه جديده
ولدك فيه ميزات ماهي في اولاد ثانيه تقدرين تستغلينها ..نبهيه على مميزاته وطول الوقت قولي ماشاء الله عليك انت عاقل احسك سابق عمرك ..واحسك تشبه ابوك في طيبته واخلاقه ..وقولي فلانه وفلان ماشاء الله يقولون انك غير كل الاولاد وخدوم وحنون ..هالصفات فعلا موجوده بولدك من طريقة وصفك له بس الخيار لك اذا تبغين تخلينها ميزه وتستفيدين منها او تبغين تشوفينها ضعف ؟؟!!
هذي صفات جدا جميله ولسا الوقت بدري باقي ولدك يعتبر طفل واذا قدرتي قوليله راح انقلك من المدرسه لان هالمدرسه سمعتهم وتدريسهم مو حلوه ..
الله يحفظه ويخليه لك صدقيني ربي مابيضيع لك تعب لو اجتهدتي في التربيه وحاولتي

اولا انتي تغيري بعدين هو راح يتغير
انتي ارفعي من معنوياته مثل انت رجال البيت
انتبه لخواتك انت الرجال
عطيه الثقه في نفسه انه هو اللي يشتري بعض اغراض البيت وهو يحاسب
يطلب لكم من المطعم
عززي فيه صفات الرجوله وكثري المدح والدعاء له قدامه
مثل الله لا يخليني من رجال البيت
الله يرحمنا منك يا سندنا بعد الله
ومن هالكلام هو صغير ويجيبه هالكلام والتصرفات
عوديه يصلي بالمسجد جماعة وقولي له خلاص صرت رجال لازم الصلاة بالمسجد
اعطيه الثقه بنفسه وعطيه مساحة يتصرف
........
ولا تشتكين من شي قدامه ترى العيال يستمدون قوتهم من والديهم اذا ابوه متوفي فالولد يستمد القوه من الله ثم منك لا يشوفك ضعيفه او شكايه
بالعكس خليه يشوفك الام القويه المكافحه
سولفي عليه وعلى بناتك كلهم وجيبي قصص حلوه تناسبهم وابعدي عن قصص الحزن جيبي لهم قصص من الواقع مفيده ومربيه لهم
لا تذكرين ابوهم او اهل ابوهم الا بالخير وانهم احسن ناس
واهم من كل شي كثري لهم من الدعاء
اسال الله ان يعينك وان يعظم لك الاجر

شوفي حبيبتي
اول شيء تخلصي من عصبيتك
حسسيه بهيبته بالبيت
خليه هو الأمر الناهي بكل شيء
امدحيه وامدحي شجاعته واحسبيله الف حساب
حتى اذا جيتي طالعة استأذنيه
اذا تبين تسوين شيء شاوريه
اذا رحتي سوق او اي مكان وهو معاك خليه هو يتفاهم مع الرجال واعطيه يحاسب بالحساب
ودايم رددي انت رجال البيت
انت المسؤول عني
وعوديه ع الصلاة ب المسجد عشان يخالط الرجال

يزور اعمامه اذا انهم بنفس المنطقه ويجلس معاهم او اجداده
واعطيه كم ساعه يجلس فيها برا مع عيال الجيران اذا انهم اخلاق وكويسين

اتمنى اكون افدتك ي عيني ♥️