شاركي في النقاش

سجلي الدخول لإضافة تعليق.

التعليقات

2,013
  1. @akhoat_llabd

    أسعد فتاه بالعالم
    تراني مثلك ويوم فتحته لقيت كله فساتين وملابس بنات .. وانا حامل بولد اثاريني قد طلعت كل ملابس الاولاد ومبقيه بس ملابس البنات 😅 روحي تأكدي لا توهقين نفسك
    هههههه اللبسه مو مشكله في البيت والمهم الاستقبال لازم نلبسه ملابس الاولاد للرزه وعشان كرامته مسكين هههههههخ
  2. @aml_al7ob

    صباح الورد على الكروشات


    ماعرفتكم تنكرتوا مع التجمع اللي قبلنا تسولفون عن الولاده 😂😂😂


    بس اما موقف اللي نزل الماي عليها في سياره اخوها من اطرف المواقف اللي تفشل ياقلبي وتضحك وكله كوم وهو لليوم على باله انها بالت في سيارته كوم ثاني


    بقولكم موقف
    وحده من قرايبنا تولد دايما فالمستشفى بس اخر ولاده مادرت عن نفسها الا ونزل البيبي فالبيت كانت صدمت عمرها واللي اسعفها زوجها اللي قص الحبل السري ومادري كيف تلاحقوا طلب الاسعاف وشالوها هي والنونو اللحين عمره حول ١٢ سنه ربي يحفظه
    بس الحرمه تقول ابدا ماتخيلت يصيرلي هالموقف ابدا يمكن ياها ويع الولاده وعلى بالها مطوله ومادرت الا وهي والده


    جلنار
    يتهنى فيهم النونو ياعمري
    تعبني اوفرات دبنهامز بس لاني هالمره مصممه مااخذ للعمر الاكبر حدي للولاده ومده شهر شهرين
    ساعات انسى اني اخذت ملابس وتصغر قراري هذا يلزمني بكل مرحله احسن لي ونكست مايقصر من تصغر الالبسه بطلب


    امس طلبت لاول مره من ايهيرب
    مخلص عني ايونات الفضه وسعره فالصيدليات غالي اظعاف السعر في ايهرب
    وطلبت كريم افينو للبيبي لانه ماينباع فالصيدليات عندنا لازم اوفره من برا
    وخميره البيره بودره بستخدمها لكوكيز الشوفان للرضاعه بحطلكم المقادير اخذتها من بنترست وعليها مدح من الاجانب واذكر صفا الفيلكاوي كانت تاخذها وهي في امريكا عقب مايابت بنتها اموله
    والله ييسر امرنا
    استخدمت الكود للخصم بس السعر معقول للشحن عن طريق سمسا اظن شركه سعوديه
    وبنشوف متى توصل كاتبين ثلاثه رمضان
  3. @aml_al7ob

    مادري ليش الذاكره عندي ماسحه موضوع المستشفى والولاده


    المهم اذكر فالمستشفى يوفرون لي الاندروير اللي ليوم واحد وينرمي وطبعا كله بحسابه لانه خاص واشتري من عندهم كميه خص للنفاس


    انا عشان بعد العمليه اكون بعدني التخدير نصفي فما ابدل ومايخلوني اول يوم عشان يتطمنون انه وضعي اوكي بعد العمليه فأغير ثاني يوم بعد مايمشوني ويشيلون القسطره الكريهه


    البيبي اكون مجهزه لبسه معاي بس عاد ناسيه اعطيه لهم قبل ولابعد
    اذكر في استراليا يلبسون البيبي من عندهم اول يوم وانا اعطيهم اللبسه للبيبي يبدلون له بس باخر ولاده من ثلاث سنين ماذكر شو سويت 😂


    عموما اجلس اربع ايام فالمستشفى اخذ لهالايام وبعد التبديل لي وللبيبي ارسل اللي يحتاجون تنظيف للبيت واذا احتجت زياده اوصي زوجي يجيب معاه
    اخذ شنطه صغيره وبحط فيها اكياس التقسيم وبحط اغراض التنظيف لي وللبيبي ماريدهم حتى يستخدمون الحفاظات من عندهم لاني اخر مره زرت صديقتي والده نفس المستشفى لقيتهم مستخدمين بامبرز واكره هالشركه فضيعه ماحبها للبيبي باخذ معاي هاجيز
    بجهز الشنطه بعد العيد اكون دخلت الشهر الثامن على بدايه شهر يوليو ومايمديني الوقت لاني ولادتي بتكون ثاني اسبوع من التاسع باذن الله

تابعي تجارب أخرى من هذا القسم.