التجمع للمقبلات على ترجيع الاجنة المجمدة

شموعي ما نسيتك لما سالتيني بالضبط متى يوم الترجيع شيكت اجازاتي بس عن جد ماقدرت اطلع أي يوم من الدورة بالضبط بس بعد التبويض
لانه اذكر سالت الطبيب يمكن ما نجحت لانه بعد أيام التبويض قالي لا ماله علاقه

بنات في اخت قالت انه مستحيل تعيد العمليه في رمضان
وخوفتني والله
المفروض برجع مجمد اخر رمضان او أيام العيد
انصحوني اتوكل على الله والا ااجل ماودي بالتاجيل خلاص العمر يمر
وش رايكم

أنا كنت مثلك بالضبط لكن استخرت الله

وفكرت زين زين فعلا العمر يمشي ولا راح اضيع وقت بإذن الله

وطالما ان ترجيعي ان شاء الله بيكون نهاية رمضان انا اشوف انه بالعكس فرصة ذهبية بأن ما اطلع ولا اجي واجلس بالبيت فترة الترجيع اقرأ قرآن واصلي واعبد ربي

وسالفة شرب السوائل تأكدي ان ربك بيعينك وبيرحم ضعفك ولا تنسين ان افضل اوقات رمضان هي بالليل صلاة التراويح والقيام وبالنهار وقت الصيام ارتاحي فيها
اهم شيء الصلاة وابعدي عن المطبخ من بعد الترجيع وهي اخر رمضان على قولتك يعني مهيب ضارة ان شاء الله

انا كنت مستبعدة ارجع اجنة برمضان وماسمحت حالتي الا الآن وان شاءالله ربي ييسر ويكون الترجيع بداية رمضان

ايوه بالضبط
مخبره مسئولتي وطبعا من بعد الترجيع بطلع اجازه
واذا على الفطور هين الله يخلي لي الوالده
بس خوفي الصيام ياثر مع انه الطبيب يقول مره عادي ماله علاقه

انا مرتاحه اعيدها بعد رمضان لاني اساسا ماجلتها كان المفروض مع دورتي اللي راحت بس اجلتها لاخر رمضان علشان اصوم براحتي
ياربي يكتب لنا الخير