تباشير ((8)) لـِ مواليد مآيو وَ يونيو 2018 🐣🎊

وصار عمر ولدي شهر و يوم
و دخل حبيبي شهره الثاني 😍
والحمدلله شريت لعيالي للعيد
باقي انا ان شاء الله بروح طلعة خاصة بمستلزماتي للعيد

الع يهنيج سكرة وزين سويتي خلصتي انا بعد خذيت اغراض العيد من قبل لانه مالي خلق اطلع السوق
الحين باقي التفت على نفسي والله يسهل

الحمد لله على تمام النعمة واكتمال المنة
يتشرف ولي العهد (حمدان )أن يزف إليكم
البشرى بقدومه ومشاركة والديه سعادتهم
لذا ادعوا الله أن يجعله من الذرية الصالحة
وان يقر عين والديه به 💙👶🏻الحمد لله ولدت امس ويرسل لكم الاكشن

الف مبروك للي ولدوا💙

اكشن الولاده كنت نايمه ف المستشفى بسبب ياني جفاف كنت استفرغ واسهال وبطني مغص حيل ماخلوني اطلع عشان الجنين مايصيبه شي وركبوا لي ست مغذيات ولا 7 الحمد لله على كل حال واليوم الثاني كنت بطلع بس شافوا بطني صاير يابس ومتحجر قالوا علامات طلق لا تطلعين وانا اساسا كنت اقول مافيني الم ولا شي طفشت وماخلوني اطلع وفجاه فليل ياني الم طلق خفيف ماخلاني انام بس حاولت أتجاهل قلت ممكن فقط كاذب وانتظرت لين الصبح بلغتهم بالالم وعملوا لي تخطيط وضح عندهم طلق وفحصوني وكان مفتوح ٢ وبعدها على طول خلوني اتروش بماي دافي وأرسلوني غرفة الولاده ، قعدت امشي وقرفصاء وتمارين على الكره عشان اوصل 4 سم وأخذ ابرة الظهر وصار الالم ورا بعض ولا يُطاق قلت لهم اكشفوا علي احس مفتوح خلاص ماتحمل ابي أبرة الظهر يطنشوني ويقولون انتي بكر راح تاخذين وقت لسى وانا اتعصر ثلاث ساعات بعدها زوجي قلت له خلاص قول لهم ماتحمل ولما كشفوني انفتح 5 قلت لهم شفتوا وربي عصبت انا كنت حاسه ولين يجيبون أبرة الظهر والدكتور التخدير قعد يقول لي عن الأعراض الجانبيه للابره وانا اصرخ أقولهم بس عطوني مابي اسمع شي وركبوا لي القسطرة شافوا انفتح 7 وراحت علي الابره وعطوني عضل خففت شوي لكن ماشي فايده وصلت 9 بعد عناء وربي ولا دكتوره ولا ممرضه جنبي وانا ابي ادفع وأطلعه مافي اهتمام يطنشوني ويقولون انتي مطوله يوم بتحسين براس بلغيناااا الدنيا تدور فيني ونبض الجنين يقل بعدهااا زوجي هاوشهم ساعدوها يطلع ع الاقل انا ماعرف ادف وانا بكريه حاولت اتعصر بروحي بدون مساعده مافي فايذه والغلطه الدكتوره هذي منومتني على جنب! كيف بيطلع الياهل لين اختفى النبض عن الجنين وعلى طول حولوني قيصريه كل شي سريع ويركضون فيني غرفة العمليات وبنج كامل وماحسيت الا وانا مخلصه قمت أقولهم وين ولدي ابي اشوفه هو بخير خفت عليه كان بيروح مني اكتشفوا من العمليه الحبل السري كان ماسكنه والحمد لله هو بخير وبين احضاني وكل شي خيره وهذا الأكشن الي يحرق الاعصاب والقلب 😂💔