أفتوني في أمري.... ناوية أردها لها.....

حبيبي فاهمة كلامك... بس بالله عليك أيش تحسي لما أنتي ماعندك وقت وتضغطين ع نفسك توجبينها وتحضرين مناسبتها بكل نية صافية وبعد كذا تعاملك بالتجاهل والتطنيش وانتي في قعر دارها!
وع فكرة أنا ماقاطعتها هي مرت السنوات كذا ماكان في بينا تواصل بس لما عزمتني رحت بكل روح طيبة مع العلم أني عارفة انها تعزم فلانة وعلانة تدور معازيم مو علشان سواد عيني!
وأنا شايلة بخاطري لاني حسيت بالأهانة مااحب أحد يعاملني كذا لان عيب عن جد عيب.

👍🏽👍🏽👍🏽👍🏽👍🏽👍🏽👍🏽👍🏽

هي عزمتك و طنشتك في العزيمه فلا تبدين القطيعه و اعزميها و سوي اللي يريحك في عزيمتك.


بس ترا حسن المعامله مع الناس اللي تأذي مع مرور الزمن يغيرهم للاحسن بعضهم يستحي على دمه ليش كان يسوي كذا ويبدا يرمي تلميحات صلح و تاسف والبعض يقطع اذاه وما يوصل هذا الشخص .
فلا تقولين ليش المسامح ينداس عليه لانه ترا مرفوع قدره عند الله و الادله و الاحاديث كثيره اللي تتكلم عن اثر المسامحه و اجرها.


قال تعالى (وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)

لا تعملين عمل لأجل البشر ورضا المخاليق
خلي اعمالك ترضي الله ثم ترضي ضميرك واخلاقك ووقت تحطين راسك على المخده محد له حق في رقبتك وقلبك خالي من الحقد والضغينه
كل هذا عشانك وعشان راحتك مو عشان رضا فلانه
طالما ماغلطتي في حق احد خليك واثقه من نفسك ولا تاخذين الموضوع بعاطفيه زايده واعملي بأصلك وضميرك اعزميها ان جات لها الاحترام والتقدير وان ماجات الله يستر عليها
كذلك هي اذا عزمتك ان رحتي لك احترامك وتقديرك وان ماجيتي الله يستر عليك
ومو شرط انكم تلبون دعوات وعزايم بعض يعني خلاص لازم الميانه ترجع قويه وتطيح الكلفه
الوحده اذا تغربت عن اهلها بمنطقه ثانيه مع زوجها تصير عندها حياه جديده واصدقاء جدد والبعيد عن العين بعيد عن القلب
نصيحتي لك لا تاخذين الموضوع بشكل عاطفي بحت وكأن حياتك واقفه على علاقتها معك ، خليك رسميه وسطحيه مع اللي يبعد لا تقربين ولا تبعدين خليك بالنص وجبيهم بالمناسبات والعزايم وانبسطي واستانسي وارجعي بيتك لا في قلبك هم ولا غم ومن بغى وصلك يدل بيتك ويعرف رقمك لا تحملين نفسك فوق طاقتك لان الموضوع مره مايستاهل انك تحرصين عليه .

الله يعينك