ممكن سؤال عن اختبار الحمل؟؟

الله يسلمك ..
يبدو انك منتظرة حمل لاول مرة وان شاء الله يكون حمل ويتمم الله لك على خير - وتعزمينى على السبوع - بالنسبة للاحساس باى عوارض اخرى دى بتختلف من واحدة للتانية يعنى ممكن يكون فى غثيان اول ما تصحى الصبح او احساس بانك ضعيفة ومنهكة طول النهار وممكن تكونى عادية خالص
انا عندما حملت فى ابنى الصغير - حملت وانا استعمل اللولب - جاءت لى الدورة شهرين متتالين وانا حامل بس كانت مش زى كل مرة- وانا كنت طبيعية جدا ولا توجد اى اعراض او دلائل على انى حامل ولما شككت بالامر عملت اختبار حمل (بول ) اكثر من مرة وكل مرة تكون نتيجة مختلفة ولما عملت اختبار (دم ) تأكد لى وجود حمل . وسبحان الله بعد ما عرفت كل عوارض الحمل ظهرت .
لا تستعجلى وحاولى تكون اعصابك هادية وللتأكد بعد العيد اعملى اختبار فورا
وانا فى انتظار البشارة معك باذن الله وساكون اول المهنئين

نونا توتا

والله بجد


زي العسل وكلك ذوق وبتحرجيني بردك عليا
كانك اخت ليا


لا انا بسال لاني لسا متزوجة جديد
وبحس حاجات غريبة عليا في جسمي تعب او منهكة
او مغص في حتت غريبة اول مرة احس بيها


ف بسالكم عشان اعرف بس

بس انا لسا مش حامل
زوجي عايزني احمل بسرعة انما انا لا عادي

ببس من كتر ما بيقولي انه نفسه

خلاني افكر كتير في الموضوع واهتم بيه


بس بجد سبحان الله ع اللي حصل معاكي
تنزل لك الدورة مرتين وانتي حامل

غريبة جدا

وربنا يارب يحفظ لك ابنك الصغير وكل ولادك يارب


وبأذن الله من عيوني اول ما يحصل حمل هتكوني من اول اللي يعرفو

كفاية اوي مساعدتك ليا تسلمي لي يارب

حبيبتي حسب الحمل وحسب ما يبان الهرمون فيجسمك ...

اسمحيلي اني ارد عليكي لاني ممكن افيدك بنسبه لتاخر الدوره انا كانت بتتاخر علي 10 ايام او اكتر في كل شهر لمده سنه وكنت بحس باعراض الحمل بالضبط وبتطلع دوره متاخره لحد اخر مره اتاخرت الدوره في رمضان وعملت اختبار الحمل المنزلي بعد 7 ايام من الدوره وده بعد مسالت الدكتور عن الاختبار قالى بيظهر بعد 5 او6 ابام من الدوره والحمد الله طلعت حامل بس قبل ماعرف كنت ملاحظه اني بدخل الحمام كتير وده كان بيحصل لوحده صحبتي برضه اكتشفت انها حامل بعد كده وبعدي باسبوع يارب ياحببتي تكوني بتحسي بكده وتكوني حامل وياريت تطمنينا

انا مرة تاخرت علي يوم واحد وحللت و طلعت حاااااامل.