عجزت افهم نفسي

السلام عليكم حبايبي عندي مشكله ماني فاهمتها ودي استشيركم لعل وعسى القى حل ..انا متزوجه صار لي سنتين وشهر ...مشكلتي مااحب اطلب من زوجي الاشياء اللي ابيها يعني مثلاا ابي فلوس اعجز اطلب منه حتى لو محتاجتها ودي هو بنفسه يعطيني بس مااقول عطني فلوس من تزوجت لليوم هذا مافي يوم طلبته فلوس هو يعطيني احيان بنفسه واحيان يقول اذا بغيتي فلوس قولي لي عشان اعطيك ...لو بروح عزيمه او بروح لااختي او حتى اهلي اعجز اقوله بروح المح له لين يفهمني ويقول بتروحين واذا قلت له بنفسي ترى بروح لمكان كذا لازم ابرر يعني مثلا اقول بروح للسوق وماراح اطول عليك بسرعه بخلص او اقول بروح لااختي وماراح اتاخر عليك ارجع بسرعه بالرغم انه مايقول لي شي بالعكس يخليني براحتي بس مدري ليش انا كذا ودي اتغير ابي شخصيتي تصير اقوى من كذا احيان يطلبني اسوي شي معين انا ماودي بس اسويه عشانه احس مافي شي سويته وانا مرتاحه حتى لو نزلت السوق او رحت زياره لااحد استعجل وبس احاتي لايكون تاخرت عليه لايكون طولت مدري ليش انا كذا ودي اطلب اللي ابي منه بكل راحه وسهوله ودي افهم نفسي ليش انا كذا حتى اذا سافر لدوامه وكنت محتاجه فلوس اعجز اطلب منه اخاف ينقصن عليه اخاف اضايقه اخاف يزعل وبكذا اتردد ولا اطلب حتى لو كنت محتاجه تكفون ساعدوني كيف اصير اقوى من كذا واطلب اللي ابي على راحتى وابي اعرف انا ليش كذا 😭😭😭😭😭😭الله يسعد كل من ترد علي .....احبكم