الفطاير وتعبها برمضان 😔

السلام عليكم
كيفكم عساكم ب احسن الله
يابنات من جربت تعجن عجينة الفطاير او السمبوسه بليل وتحطها ب الثلاجه لثاني يوم
او من جربت تسوي الفطاير او السمبوسه وتحطهم ب الثلاجه


لحد يقول فرزنيهم سبحان الله طعهم يتغير اذا طولو ب الفريز عكس الجديد
وبصراحه شغلهن متعب وخصوصا ان عندي طفله صغيره وترضع من صدري والركض بين المطبخ وبينها يكسر الظهر 😭😭😭😭
وتقريبا كل 3 ايام او 4 بيصير علي الفطور لدوام زوجي
والله العظيم اني شلت هم الفطاير والسمبوسه عجزت الاقي لهم حل

9 تعليق 3,099 مشاهدة

شاركي في النقاش

سجلي الدخول لإضافة تعليق.

التعليقات

9
  1. @aaoatf_trky

    اذا من الليل لثاني يوم ابداً ماتخرب

    والدليل اننا احياناً المعجنات الزايده نحطها بصحن ونغلفها ببلاستيك غذائي ونحطها بالثلاجه تجلس يومين ماتتغير

    مجرد طلعيها وسخنيها اما بالفرن او المايكروييف تطلع طريه وساخنه .



    وترى التحضير المسبق لا بد منه في بعض الطبخات خاصة برمضان وانتي عندك طفله رضيعه الله يخليها لك ويعينك على التعب ويكتب اجرك واجر امهاتنا .

    عندك كبة البرغل باللحم او الدجاج ، او المحاشي او كورات البطاطس المهروس بدون حشوه للصواني او كورات البطاطس المحشيه والمغلفه بالطحين والبيض والبقسماط هذول جهزيهم مسبقاً وحطيهم بالفريزر مايخربون اهم شي غلفيهم كويس وطلعي الهواء من الاكياس .

    حتى صلصة البيتزا والمكرونه جهزي كميه وعبيها ببرطمانات زجاج وحطيها بالثلاجه ماتخرب بس صبي على الوجه شوي زيت عشان مايدخلها هواء .

    التحضير المسبق بيوفر عليك وقت عشان تتفرغين للفطاير والمعجنات وتتفرغين لنفسك وطفلتك

    ياما اكلنا من الكبه المفرزنه وماحسينا انها محضره من يوم او يومين لانها محفوظه بشكل كويس .
  2. اول شيء فكري ايش الاصناف اللي بتسوينه
    السمبوسه لفيها وجهزيها قبل الفطور ب ليله
    لفي على راحتك شوفي الوقت اللي تغفى فيه بنوتتك
    استغليه
    بتسوين بيتزا جهزي الصوص واذا برد عبيه ف علبه
    قزاز وحطيه فالثلاجه يصير بس تطلعينه بعدين وتستخدمينه ع طول
    عندك حلا جهزيه وحطيه فالثلاجه
    بتسوين شوربه مثلا ولا مرقوق باللحم وانتي تطبخين سحورك اطبخي جنبك قدر اللحم بدون ملح
    واذا برد دخليه الثلاجه يصير بعدين بس تطلعينه
    وتملحين وتكملين شغلك
    لاتضغطين نفسك حبيبتي وتتوترين يوم الفطور
    يصير تعجنين العجينه بس وكل شيء جاهز
  3. @klm_asod_1_1

    عندك طريقة والشوربة تطبخ ساعة او ساعتين اعجني وشكلي وحطيها على جنب واقلي قريب الفطرة
  4. @bnt_aboha1402

    شوفي ياااحلوه. اذا العجينه تبغي تسويهاا من الليل ع طول حطيهاا بالثلاجه او الفريز لا تخليهاا تتخمر
    وثاني يوم خرجيهاا وخليهااا تتخمر براحتهاا وترتاح العجينه


    وحاولي تجهزي الحشوات والصوصات وفرزنيهاا

تابعي تجارب أخرى من هذا القسم.