مرحبا باحلى بنات
والله اني طالبتكم وعارفه انكم ماراح تردوني لأنه عمل انساني والله لايحرمكم الأجر
بصراحة الموضوع ومافيه انه قبل شوي دق علي رقم غريب ولما رديت لقيته رجال سلم وناداني بأم ... طبعا طفلي قلت من معي قال أنا ابو محمد ال ..............( زوج اعز صديقاتي) ولو ماتابت صاحبتك عن تصرفاتها لاتلوم الا نفسها وورقتها بتوصل اهلها قبلها ( هي من اهل ابها) وسكر السماعة ،
بصراحة حسيت كأني في حلم وجسمي كله مااحس فيه ،كأنه فيه مويه بارده وانصبت فوقي
مشكلة صاحبتي أنها من 4 شهور بدأت تتغير وتنفجر من اهون سبب ودائما عصبية وللأسف انقطعت عن الوظيفة حتى فصلت ، والله ماكانت كذا ابدا ، كنت لما اجلس معاها مابغى اقوم وكل مشاكلي اقولهم لها وتحلهم لي لدرجة ان زوجي بدأ يغار منها ويرفض اني ازورها .
اللحين هي دائما حزينة وماتضحك أو حتى تبتسم ولاتتابع اولادها بدروسهم زي اول
ارجوكم دلوني على طبيبة نفسانية في الرياض وتكون ممتازة في التعامل وتصبر عليها الله يقدرني واكون سبب في شفائها ولايحرمكم مااسأدعي به لكل من تساعدني فأنا في كل مره اتنبه فيها في الثلث الأخير من الليل استيقظ لأدعي لصديقتي
ارجوكم ساعدوها والله لو امها العجوز الكبيرة تعرف باللي في بنتها كان تروح فيها وهي مالها الا اخ واحد توفي قبل العام في حادث رحمه الله
لااستطيع ان اقول اكثر مما قلت ولكن عشمي فيكم كبير
شاركي في النقاش
سجلي الدخول لإضافة تعليق.
التعليقات
7- مشكوره اختي على اهتمامك بصاحبتك بس احب اقولك على شي مهم في اثناء قرائتي للقضيه التي كتبتيها ! استغربت من عباره هي الحل لشفاء صديقتك بأذن الله وهي :ان زوجي بدأ يغار منها ويرفض اني ازورها .
اختي الكريمه انتبهي هنا مصدر الحل يعني بكل صراحه ولا تزعلين مني ياليت تاخذين من زوجك نوات التمر او مويه قاري فيها وتعطينها صديقتك بدون علمها حتى لا تكبر المشكله
ياليت ما اكون بردي سببت لك مضايقه بس انتي طرحتي المشكله والحل موجود بداخلها
دعواتي لك بالتوفيق في حياتك والله يكثر من امثالك على حب الخير وشكرا - حبي صدقيني صاحبتك مافيها الا نفس ..
اقرووووووووو عليها .. وكل شئ بيتحسن وترد مثل اول ان شااء الله - الافضل ترووح لشيخ الله يستر يمكن سحر من شغاله
ونبهي زوجها لهالشي
والله يشفيها ويرجعها لزوجها ويسخره لها يارب - ألمتني قصة صديقتك .. واهنئك اختي على اهتمامك وحرصك عليها
وأسأل الله أن لايحرمك الأجر
في ظني .. انه ربما يكون بينها وبين زوجها بعض المشاكل التي جعلتها تعزف عن
ممارسة الحياة بشكل طبيعي
تحتاجين الى جلسة مصارحة معها حتى لاتدخل في دوامة الطب النفسي
وان لزم الأمر فهناك الدكتور التويجري والدكتور السبيعي
اللهم في هذه الساعة المباركة اشفها واشف مرضى المسلمين - انا استغرب من اتصاله عليك انتي .. ليش مااتصل على أمها أو احدى اخواتها او احد من اهلها؟؟؟ يعني انتي مجرد صديقة.. ومن غير الصواب انه يتصل عليك ويتكلم بمشاكله مع زوجته لك
مواضيع مشابهة
تابعي تجارب أخرى من هذا القسم.