رمضان شهر الأكل

السلام عليكم بنات


كرهت رمضان من هشيء هم الناس كله إش لفطور وأين لفطور ومين عازمني ومين أعزم وإش أطبخ وإش أفرزن وكأن الدنيا راح تفنى بعد رمضان


ترى رمضان شهر عباده وترى ممكن تتجمعوا ساعة أوساعتين بعد التراويح تتقهووا وإتحلوا مع بعض ليش لازم العزايم والطبيخ تلاقي هذا يعزم والثاني يصير مضطر يرد له العزيمه والأزواج يفرضوا على زوجاتهم يفطروا عند أمهم وأم الزوج وبناتها يتشكوا من زوجات أولادهم إحنا خدم عندهم نطبخ ونكرف وهي تجي عند المغرب تتربع وتآكل وهي أصلا جايه مغصوبه وتجنبا للمشاكل مع زوجها بالشهر الفضيل ، والرجاجيل تعزم من غير ما يعمل حسابه و يحس بالحرمه المسكينه المدفونه طول النهار بالمطبخ وما تتجرأ تفتح فمها ، هم الكل على بطونهم والناس تسمع بكرمهم ويتحججوا بأجر إفطار صائم ترى ممكن تتصدق بفطور صائم كل يوم من غير ما تعزم وصلة الرحم مو بالطبخ والنفخ والصواني والسفرات المفروشه يكفي فنجان قهوه عشان يدوم الود وما يخالف عزيمه أو عزيمتين مو كل يوم .


أناعن نفسي مستعده أفطرعلى ثمره وكاس لبن وما أبي أصناف أي شيء يسد الرمق إن شاء الله فاكهة فقط أبغى راحة البال وصفاء الدهن للعباده ما أحب أعزم وما أحب يعزموني على لفطور وما أحب أتفنن بالطبخ برمضان بغيره نعم ، أنا بغربه وأرفض أنزل برمضان عند أهلي أفضل أصوم لوحدي بس بسلام وبعد رمضان أسافر لهم رمضان صار شهر الأكل مو شهر الصيام