شاركي في النقاش

سجلي الدخول لإضافة تعليق.

التعليقات

2,009
  1. @aml_al7ob

    اللي تتضايق من الستيان
    انا اول الحمل يتني هالحاله
    قمت وخذت لي ستيانات رضاعه من ماركس اند سبنسر وارتحت اخذت اللي تجي قطعتين مع بعض
    طلع لي اربع قطع


    اما عن موضوع الهديه للعيال عشان الغيره
    انا كل ولاده اسويه
    لما ولدت ثاني ولاده كانت بنتي ثلاث سنوات جهزت هديه قبل الولاده وحطيتها في كيس ولما جابها ابوها المستشفى قلت لها هالهديه من اختج


    اما بالولاده الثالثه
    الكبيره كان عمرها ست سنوات والصغيره ثلاث
    وصادف عرض في اللولو على تابلت الجالكسي تاخذين واحد والثاني فري
    واخذته لبناتي على اساس انه من اخوهم


    اما اللحين
    افكر اصرف الكبار اقولهم يروحون مع ابوهم ياخذون اجهزه واهدي بس ولدي لانه بيكون اصغر واحد ولازق فيني واخاف من غيرته بحط له هديه


    وتراهم يستانسون بالهدايا
    اذكر لما كنت في استراليا لما ولدت يجوني صديقاتي يجيبون هديه للبيبي وهديه لبنتي تخف الغيره

تابعي تجارب أخرى من هذا القسم.