شاركي في النقاش

سجلي الدخول لإضافة تعليق.

التعليقات

2,009
  1. @aml_al7ob

    مبرووك عليكم الشهر الفضيل
    ربي يعينا على صيامه وقيامه يارب


    زوجي هديتي
    ادخلي مساج البطن من اليوتيوب انا تعلمته من بعد ولادتي الثانيه وصرت امسج عيالي وكل حد عنده امساك
    شوفي من عند السر كأنه الساعه فوق ١٢ نقطه البدايه
    تاخذين سبع لفت على البطن
    والللفه الثامنه نص لفه لانه الانسدادات تكون الجهه اليسار من البطن وتكررين النص لفه
    تكونين مزيته ايدج طبعا
    وربي يشفيه ويعافيه يارب


    بنات
    اللي نفسيتها تعبانه من الحمل او زوجها او عيالها عليها بالبقره اقرائي جزء كل يوم لو ماتقدرين يوميا
    وعليكم بترديد
    لاحول ولا قوه الا بالله
    وحسبي الله ونعم الوكيل


    انا اقولكم وانا شفت كيف حياتي تغيرت مع البقره
    زوجي هدا واذا انجن علي اردد لا حول ولا قوه الا بالله
    يهدا ويجي يراضيني من نفسه الله يهديه ويصلحه
    عيالي هدوا الحمدلله
    عموما قراءه ورد من القران بركه


    اللي تسالني عن اغراض الامازون
    وصلت الطلبيه بصورلكم اياها
    الطلبيه تعتمد على نوع البضاعه اللي تختارينها شي ماياخذ كم يوم وشي اسبوعين وفي بضاعه مايوصلونها
    تنتبهون كاتبين لكم عند البضاعه اذا توصل لبلدكم او لا
    شفاطه ميديلا للحليب اخذتها في خصم بيبي شوب
    بس خلوني اصور وبكتبلكم التفاصيل
    حلم ليله
    ربي ييسرلج امورج
    ذكرتيني بايام الغربه وولادتي ماتيسر لامي ولا خواتي يجون وسبحان الله تحددت عمليتي في وقت حضانه بنتي دخلت عمليات وولدت وزوجي معاي وبس طلعت راح جاب بنتي وكان هو قايم فيها يبدل لها وياكلها كنت مدربته على الطبخ الحمدلله تساهيل من رب العالمين


    اعشاب لادرار الحليب
    الميراميه انتبهوا منها تنشف الحليب ترى ماتنفع بعد الولاده تنفع للي هرمون الحليب مرتفع عندهم وودهم ينزلونه


    اما الحلبه
    ناسيه من اللي قالت وهي صغيره تحبها مع اللين ذكرتيني بلبن جدتي تسويه من الغنم ويكون حامض ومعاه حلبه عشق الله يرحمج يايدتي
    وجربت اسويه مع لبن المراعي لذيذ
    شكلي بسويه لولادتي حق ارضع


    اما قشر القهوه ماعرف شكله للاسف بدوره اذا عندنا واذا حد من البنات عندها صورته تنزله لنا فالتجمع لانكم في السعوديه تستخدمونه بس نحن في الامارات مانستخدمه
    صح نسيت اخبركم
    رحت اليوم اخذت من التنين قمصان نوم للولاده
    عاد اخذت بس اربع قمصان حبيتهم المشكله انهم مثبتين السعر ويوم رجعت البيت انتبهت اساسا بجاماتي مش عمليات للرضاعه لازم ارجع اخذلي كم قميص بعد


    واخذت بجامات لولدي ولبناتي بس بعد برجع بطلب لهم من نكست باذن الله لانها تكد اكثر مع الغسيل


    انتظروني اصورلكم وارفعهم من اللابتوب
  2. noura86n
    بنات ... انا يوم بداية السادس كانت الحركه واضحه الحين في أسبوع ٢٥ خفت كثير الحركه صار لها ٣ ايّام بس الحمدلله الحركه موجوده سويت بحث فالنت الا اغلب البنات يقولون ان في هالأسبوع الحركه تقل اشوي فمادري سبحان الله
    انا مثلك قبل شهر كذا فجأه حوالي 3 ايام مايتحرك الا نادرا
    واستودعته الله وكنت قلقانه بعدها رجع تحرك طبيعي وصار الى يوميك يوم يتحرك يومين يريح هههههه
  3. @aml_al7ob

    واااي بنات اسأل الشغاله
    في سمبوسه اللي لفيناها وفرزناها قالت خلصت 😂😂😂
    قلت يالهوي اوني مفرزنه وخلصناه قبل رمضان


    قلت لها تسلق البطاط
    وبعد بسوي ورق عنب باللفه وبفرزنه

تابعي تجارب أخرى من هذا القسم.