زوجي يكلم وحده ع السناب علموني وش اتصرف

السلام عليكم
قبل اسبوع واحنا بالسياره كل شويه اشوفً محادثه تطلع في الاشعارات بجوال زوجي اسمه سعد
وكل شويه يرسله محادثه
استغربت رجال ويرسل محادثه سناب
بالعاده واتس
مشيت السالفه
وكل يوم اشوف سعد هذا يرسله محادثه. وبالصدفه مريت من جنب زوجي اشوفه يكمل سعد سناب محادثه ويبتسم وشوفت الايمجوي اللي ييجي ع الطرف صوره بنت عرفت ان سعد بنت ومسميه كذا لو كان صاحبه ليه دايم يبتسم ليه كل ما مر جنبه يبتسم واذا جلست جنبه قفلت السناب بسرعه مع انه ماكان كذا من قبل ؟ انا مو مغفله عشان اقول احسني الظن يمكن خوييه !
المهم وش اسوي انا الان؟ اواجهه؟ وش نتايج المواجهه؟ اطنش ! كيف اطنش وانا عارفه ان وحده تكلم زوجي والله اعلم تعرض له ولا تتغزل فيه ؟لان ماقدر اكذب على نفسي واقول مابينهم شي
كيف اتقبل حياتي ومعايه زوج خاين؟ لاتقولون اصبري عندك ولد انا عندي ولد عمره سنتين
ولا تقولون تخربين حياتك بيدك انا ماخضع لهذا الكلام لو عندي 10عيال اخذ المصحف اخليه يحلف ؟ وااذا ماحلف وش اسوي
اطنش ؟ وقلبي ؟ عادي اخليه يستمر بخيانته؟
لاوحده تقول ادعي له
انا ابغى حل ابغى المجربات الي صار لهم مثلي وش سويتوا
طبعا انا مافتش جواله ولا مره فتشته بس هذا كله لاحظته لي اسبوع كل شويه اللاحظ اشعارات بجواله
لاتقولون شوفي عشتار وجوري ومدري ايش كلامهم مايعجبني ولا يقنعني انا ابغى حل من خلال تجربة