تجمع رابطات الحوامل (٣٨)

شكرا لكل الي ردو جزاكم الله خير
باذن الله بكرا بروح اشوف استشاره دكتور ثاني بس خايفه يسوي فحص داخلي لان دكتوري االي سوا العمليه مايفحصني داخلي ابدا

اذا تقصدين سونار داخلي إن شاء الله ما منه ضرر
وحتى الفحص أكيد بيكونون حريصين وهم أعرف بشغلهم
ولو طلبوا فحص أكدي عليهم إنك مسويه ربط وخايفة وراح يطمنونك إن شاء الله

روحي عند دكتور خبره
وربي يطمنك
وطنمنينا عنك

رحت اليوم استشاري ثاني يقول غالبا الدم فيه تجمع دموي من الربط ارتاحي ولا تتحركين كثير ومافي شي نقدر نسويه
الدكتور الاول اعطاني دوا اسمه دفلون يقول يقوي الشعيرات الدمويه و يوقف النزف والدكتور الثاني يقول مانصح تاخذينه حيروني خذيت حبتين بس و وقفته
الله يكتب الي فيه الخير يارب

انا للحين ينزل معي دم له تقريبا شهرين ونص كل مارحت الحمام الله يكرمكم الا اشوف دم
ومسبب ليه توتر وعلى اعصابي طول هالفتره ورحت مراجعتي الأسبوع اللي فات وسويت سونار والعنق الحمدلله مغلق قال الدكتور الدم أقرب شي من غرز الربط تطمني إذا مامعك تقلصات إن شاء الله عادي
ولاتخلينهم يكشفون عليك إلا إذا قدر الله وجالك طلق