التجمع ١٠٧ للمقبلات على الحقن المجهري واطفال الانابيب

يابنات انا بعد محاولات الفشل جاني اكتئاب شديد وقلق وخوف وهلع لاني ماتزوجت الى عمري ٣٠ متاخرة وفوق التأخير الزواج تأخر حمل وفوق تأخر الحمل العمليات تفشل فشل متكرر احس الاكتئاب عندي زاد جدا والحين عمري ٣٩ صح عندي ولد الحمدالله كان حملي فية كلة كوابيس ودم وتعب بس ولدي تعبني نفسيا دايم يقول ابي دادا ابي اخ قطع قلبي تقطيع صرت اخذ مضادات اكتئاب وسمنتني ٢٠كيلو صرت منفوخة وزوجي كرهني من السمنة وقبل ينضرب في المثل بالجمال. اضافة اني خريجة من ٢٠٠٦ والى الان ماحصلت وظيفة. دايم ضيقة وكوابيس وكتمة حسبي الله على من سحرني وحسدني وقلب حياتي. العملية كل شوي تفشل واعصابي ونفسيتي معاد تتحمل

المستشفيات الحكوميه الدكاتره مايستقبلون الحالات الصعبه على طول يقفلون الملف ويقولون لهم مافي امل لانه التقنيات عندهم ضعيفه مو مثل المستشفيات الخاصه

ياعمري وانا تزوجت نهايه العشرينات وعمري وزوجي المفروض خلاص نربي اطفال في المدرسه
ولكن ارزاقنا كذا وربي كاتب كذا ناس تتقدم لها وناس تتاخر
بنت خالتي بعمري متزوجه من يومها صغيره وماحملت الا بعد ١١ سنه

انا نفسيتي كمان من اول ٤ شهور من الزواج كانت اول عمليه ولي الان كم سنه كلها عمليات ومستشفيات تعبت جد وتعطلت كثير امور في حياتي بيت العمر تاخرنا فيه وفي البني ولا نقدر نسافر ونروح ونجي براحتنا نوفر الفلوس لشي اهم. وكمان انا صحيح اجتماعيه واتواصل مع الاهل والجمعات لكن من نفسي صرت اكره التجمعات واروح اغصب نفسي ماابي حد يرجع يسالني شي والا يقولي يلا متى خلاص جيبي الثاني ولدك شيطون جيبي غيره بيهدا
بس الواحد منا وش يقول الحمدلله على كل حال. يرزق من يشاء بغير حساب
انا دايم اصبر نفسي لدرجه اني مرات ماعاد افرح بشي ابداا. الحمدلله الله رزقنا على الاقل كلمه ماما والا حركاتهم تهون الجروح اشوي

وعلى فكره لي كم سنه ولا اجازه طلعتها ارتحت فيها كلها للعمليات
تخيلي اكون محلله وفاشله العمليه وثاني يوم دوام والناس عبالها راجعه من اجازه مرتاحه امثل بكل قوتي وانا قلبي يتقطع واستغفر الله كل مره اسوي عمليه وتفشل بنفس الشهر تخبرني وحده من اللي حولي عن حملها سبحان الله.

شكرًا ياقلبي على كلامك الله يفرج لك يارب. ولدي عمرة ٨سنوات ولدك كم عمرة وكم مرة سويتي تلقيح مجهري وفشلت