شفت مريم ابنت عمران😢

السلام عليكم
بكمل لكم موضوعي الي كان مع خطيبي
خلاص امي قالت لابوي انو الولد مايبغاها عشان عنده وحدة ثانيه يكلمها
وبابا عصب بس ارتاح
المهم امي قالت لامه انو خلاص قلنا وخلاص باقي نقول للناس انو نفسخ الخطوبة
لانو كل الناس عارفين
جات امه تقول للامي لا نحنا بنزوجه لبنتك اصبري هوا يكلم ديكا البنت بس لعب
نحنا بنجي العيد وندفع المهر امي قالتلها ولدك مايبغاها وعندو وحدة كيف تزوجيه بالقوة واصلا بنتي ما تبغاها وحتى ابوها قالت نحنا نخليه بالقوة يتزوجها وهما حلفو عليه مايتزوج ذيكا البنت وقالولو راح ناخد سيارتك وما نعطيك من الورث وتطلع من البيت اذا مااتزوجتهاا قال انا ماابغاهاا
تدرو ليش هماا مرا قهرانين عليه لانو انا واهلي وبالاخص امي دا الشي اتعبنا من سنين بابا طلق ماما بسببي لاني كنت احبه وما ابغا غيره وانحرمت انا وماما من اشياء كثيرة بسبه وبرضو كنت احبه وابغاه ماكنت اشوف غيره
وصارت مشاكلل لمدة طويله بسبب دا الشي وبعدين انخطبنا السنه اللي راحت وكل الناس عرفو لمن دي السسنه قال لاهله انا مابغاها وططلع عيوب الدنيا كللها فيا ويبغا يطلع غلط عليا بأي شكل مع انو هوا الغلطان انا ف عمري ماكلمت غيرو ولا كنت اشوف غيره امكن غلطي الوحيد هوا اني كلمته وحبيته وضحيت باشياء😔 عشانه حتى الدراسه كان بابا حارمني منها وبعدينن وافق ودحين يجي يكسرني ويطلعني عنده اهله اني انا الغلطانه ويبغا يطلع عليا غللط
واهله الحمدالله واقفين معاياا
ونا اصلا خلاص كرهته بقناعه
وقبل لا انام كنت ابكيي وافكرر قلت ي ربي انا راضيه بقضائك وقدرك بس جرحني كسرني ي ربي مو بس خاننني يبغا كمان يطلع عليا اشياء 😔 ونا ماسويتها
وبعدها نمت وشفتها مريم ابنت عمران كان في يدها طفل ملفوف وكانت هيه بحجاب وقالتلي انو ربي فرجلها همها كيف مايفرج همك والله صحيت ونا مرتاحه الحمدالله