💛🌙 التجمع السادس لأمهات نوفمبـر و ديسمبـر 2018 🌙💛
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
2,028ام درر 1433 يسلمو ملك ع الرابط 😊🌹 الحين هو حاليا أسبوع 16 و7 ايّام يعني كذا قفلت الاسبوع ال17 ؟؟ وبكرة اول يوم لي بالأسبوع 18 😶
صح عليك نور- ومبرووك علينا التجمع الجديد ❤️❤️
ان شاء الله مايخلص التجمع الا وزادوا عدد البنوتات 💕💕💕 - يقولكم الصبح وانا اتقلب الا احس برفسه قويه
عاد وانا استانست هههههه
شوي وشكيت انه غازات ههههه
وماكملت فرحتي طلعت غازات 😩😂
بعدني مطوله شكلي بتريا اسبوعين وعقب بفكر بالحركه 🤔 - دام القروب هادي بكتب لكم قصه ولادتي الاولى بولدي
كان موعد ولادتي ٩/٥/٢٠٠٥
وطوفت اول يوم وبثاني يوم لاحظت ريولي تنفخت وقلت ان شاء الله قربت اربي ههههههه
المهم سرت عند امي تخليني امشي جدام البيت
كانت كل خطوه احس فيها بتعب هههه اقول لامي بس بدخل البيت حر برع 😅 وامي تنازعني تقولي اي حر الجو جميل ههههه
المهم بتاريخ ١١/٥ قمت اصلي الفجر على الساعه ٥
ومن انسدحت بنام سمعت صوت نفس انفجار داخل بطني وشوي ينزل علي ماي تقريبا كوب
وعلى طول اخبر امي قالت لي بننتظر شوي لين يزيد الالم تقولي انتي بكر وبتطولين وبيلعوزونج المستشفى
المهم وصلت الساعه ٩ وتوه الالم بديت احسه فيه خفيف
انا خفت بسبب الماي وما ارتحت قلت لامي نزول الماي معروف شي خطير جارتنا توفى جنينها لانه نزل الماي وما سارت على طول وتوفت ببطنها 💔
فخافت امي قالت عيل نسير ونتطمن احسن
المهم وصلت المستشفى ويقولون مفتوح ٣.٥ وانا فرحانه ههههه
وصلت الساعه ١١ والالم قام يزيد وامي وحليلها تمسح على ظهري وتقرا علي وايد خفف لي مسح الظهر من الالام
وجت الدكتوره تفحصني وتقولي ٦ وانا اقول لها بس هههههه كنت بكر ومستعجله 😂
وتسالني كيف حالج اقول لها زفت 🙈
امي عصبت علي قالت قولي الحمد لله 👊🏻
من بعدها تعلمت درس مهم وصرت بكل ولاده احمد ربي 😅
المهم امي خلتني امشي بالممرات ووعقب فحصوني وطلعت خلاص ولاده 😍
المهم ودخلت غرفه الولاده وتقول امي انه الراس طلع بس ما قدروا يطلعون البيبي طلع كتفه عريض واضطروا يمسكونه من راسه ويلفونه يمين ويسار 😰
امي خافت لايخلعون له كتفه 🙈
ومن ولدت على طول خذوه وامي وراهم تتطمن عليه
والحمد لله ولدت على الساعه ١ الظهر
فمقوله ان البكريه تطول مب شرط
من بدا الويع لين ربيت ٤ ساعات والحمد لله
وما شاء الله يبت ولدي وكان ما شاء الله طويل وعريض كل الممرضات يقولون لي بيج بيبي وانا اقول بسم الله الله اكبر 😒
وخلصت قصه ولادتي الجميله tulip_uae دام القروب هادي بكتب لكم قصه ولادتي الاولى بولدي كان موعد ولادتي ٩/٥/٢٠٠٥ وطوفت اول يوم وبثاني يوم لاحظت ريولي تنفخت وقلت ان شاء الله قربت اربي ههههههه المهم سرت عند امي تخليني امشي جدام البيت كانت كل خطوه احس فيها بتعب هههه اقول ل…
ماشاء الله ..احلى شي الجو جميل😂..الله يحفظه..انا لما رحت ببكري اخذت اختي ومن بعدها حلفت ما اخذ ولا احد امشي بروحي واولد عراحتي امزع شعري عراحتي وارفع رجولي براحتي
مواضيع مشابهة
تابعي تجارب أخرى من هذا القسم.