💛🌙 التجمع السادس لأمهات نوفمبـر و ديسمبـر 2018 🌙💛

اتحفينا بالثانية😂😂😂😂😂


ان شاء الله الولادة الجاية اسهلك من الثانية 🧡🧡

ايوة بعده احلا نومه هههههههههههه🤪

الحمدلله توي طلعت من الاشعة والبيبي بخير فديت عيونه الله يشوفني اياه يارب بصحة وسلامة والجميع


انا بالانتظار بادخل ع الدكتور بعد الأشعة ومكتومة وظهري متصلب ودي انسدح🤣

حياكم الله يابنات جبت فشار وجيتكم بقصة ولادتي بالتفصيل اللي ماتملون منه ان شاءالله 🍿
بالبداية طبعا حابة أقول لكم انها كانت أول ولادة لي وكلي حماس لها مثل أغلب البكريات (لأن البعض يعيش دراما أن الموضوع مميت ويفلم بنفسه بالخوف والتخويف)
وثاني شي من الأمور اللي خلتني اتحمس بعد اني تقريبا من الشهر السابع أو قبله شوي تعرفت على التجمعات بعالم حواء وصرت اتابع تجمع البنات اللي نفس موعد ولادتي بس ماكان عندي حساب وقتها فكنت اتابع بس بدون مشاركة بس والله الله يسعدهم ويوفقهم استفدت منهم مرة مرة مرة في التجهيز ووقت التباشير استفدت من قصص الولادة هذي ولدت بسهولة وهذي احتاجت وقت والثانية حولوها قيصري فصار عندي خبرة بالأمور اللي ممكن تصير وعلامات الولادة وكل الحركات 😅
وبعد أهم شي وأكثر شي استفدت منهم جعله بميزان حسناتهم كانوا حاطين روابط فيديوات رولا قطامي لاشهر الحمل الأخيرة والاستعداد للولادة وتمارين التنفس وهذي عاد أجمل استعداد تستعد فيه الوحده قبل ولادتها
وأنا كنت متحمسة لتجربة الولادة وتجربة الألم الخيالي اللي يعانونه الأمهات وقتها، واللي يهون علي ويخليني اتحمس ويخف قلقي وتوتر اقول هو اكيد متعب وقوي خاصة أن ربي يكفر به خطايا الأم معناه شي موب سهل لكن مقدور عليه لأن الغالب والأكثر والطبيعي أن الأمهات يتجاوزون هالالم وبعد فترة بعد يكررون التجربة ويعيدونها سبحان الله
ووحده من صديقاتي قبل اتزوج نتكلم عن الولادة والمها قالت وهي توصف الولادة (كأن برتقالة تطلع من أنفك 😵😂؛)
وتحمست البرتقالة 😂

الله يسلمك ياقلبي
الله يصلحهم العيال حوادثهم كثير
اي كل شيء تقلدني فيه 😁