💕التجمع ال 40 لامهات وحوامل التوائم 💕💕

الشهر الثالث وورا تبدا الابتسامات والتفاعل..يصير يخف التعب لما يبتسمون لك ويلعبون معك الله يحميهم ويحفظهم ويبلغنا فيهم أمنياتنا ودعواتنا..

انا قراري الجديد مايطلعون الا لاهلهم واهلي..وكل الناس محاربيني وزعلانين علي بس بال ط ق ا ق
الزم ماعلي صحتي النفسية والجسدية أما سالفة أني كل شوي روشي ولبسي وكشخي وجهزي شنطة واشقلي هالصغار واطلعي لا والف لا.. واللي يقول اجل لاتجيننا مانبيك من دونهم مااروح حتى لو يمزحون..
انا ماجبت الأطفال عشان اقعد ادور فيهم بالعزايم واوريهم خلق الله واذا طلعت السوق او السوبرماركت ابي بسرعه بسرعه اخلص اغراضي وارجع وهم توهم صغار عالتفاعل الخارجي وانك تسولفين عليهم وتورينهم وتمشينهم..
تجيك وحده ماشية مليون تتفلسف أي بس اذا ماطلعتيهم مايتعودون عالناس أو طلعيهم عشان يتعودون عالناس..عندك توأم ودوام 6 ساعات اختي الكريمة؟ ماعندك اجل لاتتفلسفين..والتعود بيتعودون لاكبروا ان شاء الله اما قضية اني اجي من دوامي واروش والبس واجهز شنطة ورضعات وملابس احتياط وحفاظات واطلع على اعصابي ووحده فيهم توصخ ولا يبيلها تغيير قدام الناس بس عشان يتعودون عالناس عشان حضرتك تلعبين معهم ولايصيحون لا يختي شكراً..
وبالويكند انا مااصدق يجي عشان ارتاح واريح ظهري واقعد معهم زي الناس ولا اطلع اخلص لي كم غرض للبيت ولهم..
اقسم بالله واصله معاي من هالناس بطريقة غير طبيعية ماغير لوم لوم وفلسفة وكنهم ادرى بوضعك..والله العظيم اني لي ماطلعت من زوجي فترة طوووووويله لدرجة اني اذكر متى بالضبط ههههههههههه ولا تكلمت معاه كلام كبارين ولاسوالف اوادم حياتي هالفترة صايره ركضة..
ابشركم بعد الحين صايره أي احد يتفلسف علي ويقول جيبيهم نمسكهم عنك ارد بالوجه..اللي بيساعدني لايمسك بناتي بناتي انا ابي اقضي وقت معهم وامسكهم واستمتع بأمومتي معهم..اللي بيساعدني يرسل شغالته تساعد شغالتي وتخفف عنها الشغل ياما تكوي غسيلنا ولاتنظف معها ولا تغسل مواعين معها ولايرسل لنا فطور ولا سحور هذي المساعده الي احتاجها مو المساعده الي بمزاجكم..
طلعت اللي بخاطري صح؟ اعرف انها فترة وتعدي وبالعكس تعبهم مره بيخف كل ماعدت فترة وكبروا..لكن الناس مررررررره ماتدري وش الطبخه وتحب تتفلسف واحيانا تمسكين نفسك واحيانا الله يعين اللي تجي بوجهه

انا كارسيتين بس ترا ماعندي أطفال غيرهم..

حبيبتي الله يكون بالعون من هالناس ووجع الراس
انا اضطر اطلعهم معايا لان ماعندي احد يمسكهم
للان في دوامه صراحه ماانام الا قليل ومااكمل الساعه على بعضها نايمه لاني ماعندي حدا يمسكهم عني
بسألك الكارسيت ينفع لاعمار الشهرين

معليش فترة وتعدي عالاربعه شهور بتنامين احسن شوي ❤️❤️❤️

اي الكارسيت من الولاده وانا استخدمة..الي شريته ينفع من الولاده لعمر سنه