مطلقه خطبها شخص عنده ضمور بالمخ

اذا انها مستقرة ومرتاحةبحياتها يعني عندها وظيفة او مرتاحة ببيت أهلها اشوف تصبر وان شاء الله الله يعوضها بإنسان مناسب
اما لو مصرة ضروري تطلب تقرير بحالته وتعرض التقرير على طبيب وتتأكد انه المرض ماهو وراثي
ثاني شي تقابله طبعاً بوجود أحد من أهلها اخوها أو أبوها وتتناقش معاه عشان تعرف شخصيته أكثر هل سهل التعامل او صعب وبعدها تستخير وتقرر

الموضوع صعب كيف تاخذ واحد عنده ضمور وتبي تجيب عيال
اصلن اهله الله يهديهم كيف يزوجونه البنت كيف توافق وتفكر بالموضوع
كيف تقول هو ماهمها اهم شي العيال والاب وين
تتعب نفسي واجتماعي كيف نظرتها لنفسها وهي تكسر في نفسها
لو انه من الاحتياجات الخاصه او كيفيف هذي الفئه افضل من الاصحاء الف مره
بس تخلف مرع صعب الحياه مش فلوس واطفال
الحياه يبي لها مشاركه احنا اذا الوحده زوجها متعبها نقول اكتفي واستقلي بنفسك
وضع البنت تكتفي ببنتها وتتوظف لو متوظفها ورزقها بيجيها مو معناته انها مطلقه خلاص ترمي روحها بالزواجه
لو البنت ضعيفه وتفكيرها مقتصر ع ان مالها حظ ويائسه
كلمي اهلها ينصحونها والله حرام هالتفكير
بتكون ممرضه للولد وبيحوس وتتعب معاه الطفل ماينتحمل كيف كبير وتعبان الله يساعد اهله ويكون بعونهم
ويوفقها ويستر عليها ويصرف عنها هالموضوع
ولا حول ولاقوة الابالله

واضيف على كلام الاخت سيلين مافي شي اسمه مالها حظ فيه رب كريم يعطي بدون حساب بينها وبين اجابه الدعوة يقين وحسن ظن بالله فقط والعلم عند الله.

خليها تشوفه اول ..لا تستعجل وتقرر وتخطط ولسى ماتعرف عنه شي يمكن الضمور بسيط والاعاقه حركيه او نسبه اعاقه بالتفكير بسيطه ويمكن تكون غير وهي الوحيده الي تعرف نفسها اذا بتتحمل او ﻻ ..وترى مو مقياس سؤالها علشان تطرحه في بنات ربي يوفقهم ويحببهم بازواجهم رغم الاعاقه وفي بناات يرفضون للفكره من الاساس ..تذكرت الرسام السعودي نسيت اسمه عنده اعاقه ومتزوج بنت مافيها شي سبحان من يسخر القلوب والاقدار .. خليها تشوفه بالاول وتقرر بعدها وربي يختار لها الخير ..

من كلامك الضمور الي عنده مو وراثي هذا بسبب نقص الأكسجين اثناء الولادة...هو متخلف حركيا والا عقليا...اذا عقليا احسها صعبه جدا ...والله يرزقها من واسع فضله