التجمع ١٠٨ للمقبلات على الحقن المجهري وأطفال الأنابيب

لا تحملي وودعي الله مايصلح تاخذي بندول وانتي بفترة الانتظار الصبر مفتاح الفرج وان شاء الله تبشرينا

صح لسانك وبيض الله وجهك ماقصرتي
وأهم شي إخلاص النيه والتعلق بالله وحده فقط لاحظت بدون ذكر أسماء إن فيه حريم متعلقات بشكل غير طبيعي بطبيب معين ! وإنه لايمكن تنجح تجربة اي وحده الا لازم عند فلان !! علماً أنه مجرد طبيب يخطيء ويصيب وينتهي دوره عند إختيار وإقتراح برنامج معين فقط والشغل الحقيقي للحقن في المختبرات ..

اليقين التام بالله وإحسان الظن بالله وإنه بيعطيك .. بعضهم من قبل حتى تبدأ البرنامج تكتب عندي احساس مافي حمل عندي احساس بتفشل اصلا نسيت اني مسويه واحساسي انها فشلت و و و كيف تبين عمليتك تنجح وانتي مقدمة الشر عالخير ومتسابقه مع سوء الظن على نفسك !
والنقطة الثانيه فعلاً المهمه جداًجداً هو الذكاء وجمع أكبر قدر من المعلومات حول حالتك وموضوعك وبرنامجك وأدويتك ولاتستحين ولاتسكتين أبداً اسألي وناقشي وجادلي طبيبك يا يقنعك او تقنعينه عشان ماتترديين في شي أبد وتالي تندمين عليه

وفعلاً يابنات الأطباء عباره عن عقول طبية مختلفه تماماً والمستشفيات كذلك يعني تخيلو في فترة تواصلي عالايميل مع تقريباً ثلاث مستشفيات في تركيا ومع البروفيسور من كل مشفى تخيلو كل واحد يطلب مني شي مختلف وكل واحد يسألني عن شي مختلف تماماً ويركز عليه .. وواحد منهم فقط قال لاتجين لين تسوين منظار وقلتله اني فعلا سويت المنظار مع ان اطباء هنا ماطلبوه ابد
طبيب ثاني قال لازم تاخذين لقاح الحصبة الألمانيه ولاتجين لين تتأكدين منه
وهكذا 🤦🏻‍♀️🤦🏻‍♀️🤦🏻‍♀️

كلامكم جداااا جمييييل وعين العقل ...
كلام بالصميم ورائع جدا جدا ...

متميزة بسم الله عليك
👍👌👌👌