تباشير ( 10) لـِ مواليد " مآيو َ يونيو 2018🐣🎊

اذا قصدك خياطة تجميليه بالليزر
م تنفع
وغاليه واغلب من صلحها فشلت معه
لانها مثل التلحيم تفككت
عكس الخياطه افضل واجمل واظمن
والليزر دوبهم يتحولون له يعني ي فشل ي نجاح واللي عندها اكثر من اثنين اطفال م تنفع لهم

وولدي مثلها
انصدمت منه صار يعضض باللثه😂😂😂
تخيلي صرت اقرص اذنه حتى يفك
عاد صدري كان يوجعني
ويتمغط وهو يرضع ويعض تخيلي الوضعيه

عاد الحين نبدا بوادر الطلق الكاذب
شدي حزامك
انتظري الولاده ب اي وقت الله يهون عليكم ويقومكم بالسلامه

هو حلو
لكن اخذي اغراضك معاك
اغراض المولود من بامبرز وحليب
وانتي اخذي كلوتات الاستخدام الواحد
وفوط
وبعد غرف الولاده تكون بارده
اخذي معاك شال
والله يرزقك بالطاقم الطبي الممتاز👍🏻

هذا اكشن ولادتي وانا ولدة بالعسكري الي بالرياض





مـــِْن يوم الخميس وانا عندي طلوق بس مو مصدقه انه طلق ماعرفه اقول اكيد طلق كاذب
المهم رحت لموعدي بالخاص لان دكتورتي بتسافر قلت بتطمن اثق فيها وكلامها دايم صح
المهم رحت لها وفحصت الا مفتوح واحد ونص وشكلها حرضت لان حسيت فرت اصابعها مع ان ماطلبت تحريض
وقالت باذن الله تولدين طبيعي بس تعليقها ان الراس تحت بس مـــِْن ملامح وجها نازل بس يبي لك مجهود بالولاده
وصار الم يروح ويجي وانا مطنشه واخذ كوب ينسون بعسل ع الساعه12
وع 3 الفجر يوم الجمعه صار كل 20 دقيقه لمدة ساعه وهدا وشربت وقتها علبة مويا متوسطه منقوع زعفران وهداااا
وبعدها رجع و صار ينقص الوقت مرات 10 مرات 8 مرات 7 بس مايثبت ع رقم واحد
وانا حاطه ببالي ان لازم رقم ثابت
بس بعدها الالم صار اذا جا لايحتمل يكتم النفس اقل مـــِْن دقيقه وعادي ارجع طبيعيه
بس مايخليني ارتاح كل 10
او8 دقايق يجي زوجي شافني قال يلا نطلع لطوارئ نتطمن
ورحنا وصار بالسياره كل 8 دقايق ومرات 10 دقايق
وصلنا الطورائ تقريبا الساعه 10 بالانتظار صرت امشي وادعي
المهم دخلوني تخطيط وقاست وطلع 5 سم
طلعتني للانتظار وقالت يلا كولي عشان تصير عندك طاقه
واحلا شي وقت التخطيط عطتني اوكسجين اذا جا الالم اتنفسه يرررررريح مرا
مع انه اوكسجين عادي بس فعلا وقت الطلق نحتاج كمية اوكسجين
اخذوني لغرفة الولاده خاصه بحمام وكانت القابله الي معي افريقيه مرا كويسه واسلوبها مراا ممتاز رغم اني اخذه فكره غلط عنهن
حطو التخطيط وحطو لي اوكسجين وع هالحال كل ماجني الالم تنفست الاوكسجين مـــِْن قلب يرريح مرا
وع اساس يجيني الي بيعطيني ابرة الظهر
وكنت وقتها ادعي اذا خيره يسرها يارب
وفتحو موية الجنين وصار الرحم 8ونص قالو خلاص ماينفع تاخذين ابره الظهر
وعطتني ابره مسكنه بالفخذ احلا شي تنوووووووووم انام واصحا ع طلق اتنفس وارجع انام ارتحت شوي لان مانمت ابد ومرهقه
والطلق هدا وقررو يعطوني طلق صناعي 😭💔 وهو مايرحم صح نفس الالم الطبيعي بس مااايمديك تريحين
وخلص دوام الافريقيه وجتني بريطانيه وصارت تعلمني كيف ادفع وطريقة التنفس وتساعدني اضغط رجولي ع بطني
واصعب مرحله الراس مو راضي ينزل صح😢💔 بلحظتها تمنيت القيصررري
جلسو فوق الساعه والنص يحاولون معي
واذكر دخلو مجمووعه الي يرفعني مع ظهري ويحط وسادات والي يساعدني بضغط رجولي والي يصفق ويشجعني
كانو مراااااا متعاونين ونفسيتهم تشرح الصدر😭الله يوفقهم ويسعدهم
وبالاخير قررو يستخدمون الملقط
وبعد عذااااااااااااااااااااااااااب الْحٍمَدٍللـّہ ع كل حال طلع الراس 😭💔 ورجعت لي روحي طلع 9:21
التعب الصدق مـــِْن6المغرب لما عطوني صناعي
صرت اصرخ وابكي مـــِْن الالم
ربي وفقني بطقم طبي ينحط ع الجرح يبرا الْحٍمَدٍللـّہ
وكله بفضل الله وبفضل الدعاء
كنت تجربه صعبببه صعبببه بس الْحٍمَدٍللـّہ يمكن لان حاطه ببالي الطبيعي سهل
بس القيصري والطبيعي كلهن تعب واهم
شي السلامه