هل ممكن يكون عليا اثم بالشهر الفضيل

سلام عليكم ،،،،
بنات انا مبتعثه بالخارج ومن اول رمضان رجعت لاهلنا بعد غياب استمر اكثر من سنه ... واول ما وصلت نزلت عند اهل زوجي لان زوجي طلب مني واحترمت رغبته ... وهم يبعدون عن بيت اهلي مسافة ساعه ونص .... المهم نزلتنا كانت مفاجأه محد يعرف لا اهلي ولا اهل زوجي ... ودخلنا عليهم كان وقت فطور وجلسنا الين 12 بالليل ومشيت لاهلي .... المهم مشكلتي هي اني من يوم جيت الين اليوم مازرتهم غير وقت وصلي ... ومن يومها وانا عند اهلي ... فكرت ازورهم مره ثانيه ... لكن حز بخاطري انهم ماردو لي الزياره ولاجو يسلمون خصوصا اني غايبه اكثر من سنه وكمان والده وجايبه مولود جديد واول ماوصلت نزلت عندهم ... والحاجه الثانيه اللي زعلتني اخواته المتزوجات ما راسلوني واتحمدو لي بالسلامه ع الاقل لو بالجوال ... ووحده فيهم قبل امس توها اللي تتذكر وتراسلني ... وكمان وحده من بناتهم. متزوجه ف منطقه تبعد اربع ساعات ويوم جاتهم قبل يوم عزموها واكرموها وذبحو لها الذبيحه وهي طول السنه عندهم ... صراحه حز بخاطري ليش ماكرموني زي ما اكرمو بنتهم انا مابيني وبينهم اي مشاكل احترمهم ويحترموني ... بس انقهرت زياره مره ف السنه ماتضر هم مو كل يوم يجوني عشان يستثقلونها ... وقررت ما اروح لهم الا اذا قدروني وجوني .... هل معايه حق والا لا ... لان خفت اكون اقطع عيالهم عنهم ... اطفالي صغار وعندي مستحيل ارسلهم لوحدهم... وبنفس الوقت حاسه ان هم ناقدين عليا ليش ما اجيهم بس هم ناس طيبين ومستحيل يتكلمون وانا ما ابغى اتشره وبنفس الوقت ابغاهم يجوني لان انا اتعنى لهم واروح