شاركي في النقاش

سجلي الدخول لإضافة تعليق.

التعليقات

2,005
  1. @haifa_om_mohammad

    بثينة()
    ما أوقفه أبدا حتى بعد الولادة بشهرين المرة الماضية المستشفى بعد الولادة عطوني جرعة حق شهرين بعد الولادة زيادة نفس الشيء أختي لما ولدت صرفوا لها كالسيوم وحديد من جديد بعد الولادة حلوين بعد الولادة يعوض فيهم الجسم
    انا ما اخذ الا ملتي فايتامين اسمو elvit ما أعطاني الدكتور كالسيوم ولا حديد في احد زيي
  2. @bthyn_9

    اليوم رحت للمستوصف على أساس آخذ تحويل للمستشفى اللي أبي أولد فيه

    مستشفى حكومي جديد ومبناهم حلو وأقدر آخذ غرفة خاصة من حملت وأنا مخططة أولد فيه

    بس تحطمت قالت الدكتورة أنت متأخرة كثير ولازم نسوي لك تحاليل وأشعة قبل التحويل وهذا آخر أسبوع دوام عشان العيد ورفضت تحولني 😩 رفض قاطع

    وتقول خلاص بيفكون لك الربط بعد أسبوعين ما يمديك على التحويل 😭

    كان خاطري ونفسي أولد في ذاك المستشفى مرة تحطمت💔 وجلست تقول اللي حط لك الربط هو اللي يشيله وأسلوبها فيه شوي هواش 👊

    المشكلة إني مكلمة المستوصف لما كنت بالخامس وقلت أبي تحويل قالت لي موظفة الاستقبال تعالي في الشهر الثامن ويوم رحت لهم في الثامن قالوا متأخرة 😢

    تخيلوا هذا الموعد ماخذته من قبل رمضان يعني لي شهر أنتظره بفااارغ الصبر في النهاية يقولون لي متأخرة

    مقهورة منهم .. الله يرزقني الرضا والقناعة 😆

    العجيب إني قبل أدخل على الدكتورة طلبت الممرضة مني عينة بول وأنا كنت رافضة أقول بس جاية أبي تحويل لكن أجبرتني ..

    في الأخير وضح إن عندي التهاب بول شديد ووصفت لي الدكتورة مضاد 😅 سبحان الله كأني رايحة عشان أكتشف هالالتهاب اللي كان متخبي ..


    طلعت من المستوصف ورحت للمستشفى اللي أتابع فيه وسويت سونار صار الجنين لازال مقعدي وعطوني موعد قيصرية بعد ثلاث أسابيع وخلاص معد فيه متابعة قالوا تعالي يوم العملية

    صح المستشفى اللي أتابع فيه كويس لكن الغرف مشتركة للتنويم توصل أحيان 6مريضات في غرفة

    وحتى دورة المياه موجودة خارج الغرفة

    إذا بغيتي تروحين لدورة المياه تلبسين عبايتك وتطلعين لها يعني مرة صعب وكيف بيكون مع قيصرية أخاف يكون متعب لي حتى لو بغيت آخذ شور بعد العملية بيكون متعب ..غير إن المكان ضيييق في الغرفة وصعبة أجيب معي مرافق والغرفة ضيقة كذا ومشتركة

    وغير إزعاج الغرف المشتركة والبيبيات يبكون وأنت تبين ترتاحين بعد الولادة ..


    اليوم متحطمة كثير وأحس الشيطان يوسوس لي و يخليني أندم وأقول لو إني رحت آخذ تحويل بدري ولو ولو 😢

    الحمد لله على كل حال

تابعي تجارب أخرى من هذا القسم.