تجمع أمهات الأشبال بإذن الله 👼🏼💙

آمين يارب العالمين والله يقومك بالسلامة ياعمري انتي وجنينك ويرزقك الساعة السهلة يارب

يابعد قلبي يالغالية والله العظيم انك مارحتي عن بالي انتي والرهيبة خص وكل ماتدهورت حالتي وتضايقت وبكيت قلت ليت شوق قريبة واسألها يعلم الله في علاه بمعزتك وغلاك ياقلبي .. والقلوب شواهد الله يوفقك وين ماكنتي وعليك بياض الوجه اخت غاليه ..
اول شي بخصوص الرقية مالقيت رقية لحالتي مشاكلي كلها تركزت في الارحام بظرف سنة ونص طلعت عندي هالمشاكل وقبلها ماكان عندي الا 3 اورام على جدار الرحم من الخارج ووضعها مايخوف ان شاء الله بس بعد الاجهاضين اللي العام بالمرة تدهورت الامور ياشوق شكله من العمر او الضغوط النفسية والرجال اللي انهبلوا وصارت المشاكل هي حياتهم الله يهديهم ويسخرهم لنا ومعاي عين قديمة قريت كثير سنين عند مشايخ وللآن ماستفدت .. اذا احد عنده رقية نافعة بأمر الله يكتبها لي الله يكتب اجره بداوم عليها سورة البقرة ماقدرت عليها اقراها 3 او 4 ايام ورى بعض واقطع شهر ماني عارفة ليش تعبت واكتأبت لاني ماني قادرة اقراها يوميا عسى الله يشفيني وكل مسلم واحيانا اقرا منها كم صفحة كل يوم اجزأها
اجهضت الاجهاض الثالث والرابع العام وكل هالسنة احاول ياشوق واتابع وحجم البويضة ماشاء الله كويس ولايصير حمل ورحت عند دكتور وعطاني قبل 3 شهور نولفادكس واستخدمته مع ابرة تفجير وسبحان الله صار بيني وبين زوجي مشكلة كبيرة وسافر وتركنا والشهر اللي بعده تركت متابعة لما هدت امورنا شوي ولما جيت دكتور ثاني وفحص قال معاك تكيسات كثيرة وجيته بعد اسبوع قال معاك بويضة متكيسة حجمها فوق 25 او اكثر ناسية وقال روحي افحصي البروجسترون يوم 21 الدورة وطلع عندي 6 وشوي قال ماتقدرين تحملين وهذي نسبته . قلت التكيسات جتني من النولفادكس قال لا مادري شقال لي وانا اعرف انه من المنشطات لان الشهر اللي بعدها ماصار عندي تبويض ابد ولانزلت علي افرازات ولاشي ناشفة بالمرة عرفت ان ماعندي تبويض المهم رحت له قبل كم يوم قال ماشاء الله مافي تكيس الحمدلله وقال بعطيك منشطات مثل كلوميد وابر مادري استخدمها والا لا ياخوات شرايكم .. العمر يمضى والفرص اذا عدينا الاربعين كل مالها وتقل يارب ترزقنا بحولك وقوتك
وزني ياشوق ماعندي زيادة وصرت اشرب ماي زمزم وامشي كثير
لاتنسوني من دعواتكم ياغالياتي يعلم الله في وضعي وحالتي زوجي قبل شهرين نزلني على الدكتورة قال روحي انتي لو يزرعون لك رحم جديد ماحملتي والله ياخواتي مانسيت كلمته كل ماتذكرها ابكي من كل قلبي انا مافي يدي شي ووضعي كان طبيعي وحملي الحمدلله بدون ادوية الا السنوات الاخيرة ماقدرت حملت مرتين واجهضت ربي يعوضني خير يارب

ميمي بشري ان شاء الله حملتي يارب يرزقك ويرزقنا اجمعين .. ماقدرت افرق بين اساميكم اذكر ميمي وبوبي ولودي يمكن ههه لااتضحكون علي يمكن لودي تأليف ويمكن صحيح ماتذكر بس كان فيه حوالي 4 اساميهم طويل سنابل ماادري ايش وبرايت وصدفة يمكن وماريا الحلو يارب يحقق امانيهم وكل اللي بالملف في هالشهر الفضيل

آمين يارب العالمين.. صدفة الرقية ماني عارفة ايش في شي يصرفني حتى عن اني ادورها سبحان الله بس اقرا الاذكار واحيانا انساها يوم او مساء

حياتي انتي ويوسف بوسي لي اياه ياقلبي ربي يبارك فيه ويقر عيونكم بجيته ويصلحه يارب
يارب يارنومة ابشركم قريب ان شاء الله من جد اشتتتتتقت اشتقت افرح حاسة ان السنتين اللي راحوا تعبت فيهم تعب ربي يعلمه من كل النواحي الله لايعيدهم يارب آمين ويجعل كل ايامنا وايامكم فرح وسعادة آمين يارب 😘