يامتزوجات دلوني كيف يتصلح...............؟

الله يعطيك العافيه يا العامريه:26:

هلا اختي
انا مثلك لي اكثر من 15 سنه وتجيني وساوس ابليس الله يعذينا منها
بس مو خيانه لا احس احيانا انه تغير علي ولاعد اهمه وتسئ نفسيتي مره
وصار بشوفني زعلانه ولا يكلف خاطره يسئل
ووالله عن تجربه طنشئ وبيني له انك ماهتميتي واشغلي نفسك باي شئ غيره وراح تشوفينه يتقرب لك هو
ومثل ماقالوا البنات عليك الاستغفار والدعاء

الله يسخر لتا ازواجتا جميعا

هلا اختي...
أولا يا اختي أنت ما شفتي شي يعني دليل يدل على خيانته له ...وبعد أنا ماأريد أوقف في صفه واقول لج أنه ما يخونج يمكن ليش لا ...بس صدقيني لا تبحثين عن دليل لخيانته لأنج اذا لقيتي شي بينهدم شي أكبر في قلبج بس مستحيل تقدرين تبنينه وحاول انج ما تبينين له انج شاكه فيه لانهم يتمادون أكثر..وبعدين ساعات الانسان تمر عليه ايام يكون مضايج فيسوي مشكله من لا شي مثل ما نحنا الزوجات تمر علينا ايام نحس أنا نبا نهرب من البيت ومن الزوج ومن العيال بس يا حسافه ما نبين لهم شي علشان ما يضايجون...المهم والله يا أختي ما لج غير الدعاء وصدقيني محد بيساعدج غير ربج ولا تعبين نفسج وعلى قولت الدكتورة فوزية الدريع الزوجه يوم تتعب تمرض وتاثر على حالتها النفسية والزوجيه وبالتالي ينعكس على حياتها الزوجية عاد بعدين الزوج يكون له عذر علشان يزوج غيرها اشغلي نفسج بأشياء ثانيه في الحياة ويوم بيكون موجود معاج اتكلمي واضحكي ولا تبينين له شي بالمرة وصدقيني مهما الزوج راح مرده لزوجته ام عياله..والله يساعدج على حل مشكلج ويريحج ويريح كل وحدة تمر بنفس المشكلة..........

الله يكون في عونا نحن النساء

اختي عليك بالدعاء ثم الدعاء
قومي الليل واطلبي منه ماتريدين
حاولي تشيلي الشك من راسك
وادعي للنفسك .....اطردي وساوس الشيطان
وفقك الله لما يحبه ويرضاه