معقوله في احد مثلي يعاني ولا انا الوحيده

بنات بدخل بالموضوع علطول
من ولدت بنتي من قبل ثلاث سنوات تقريباً وانا اعاني من التهابات مزمنة بالمهبل وتحديداً بكتيريا (اي كولاي ) تكررت علي كثير سويت كل الوسائل والحلول
من تهويه وتجفيف وغسولات ومضادات وكريمات وتحاميل ومويه وملح وتعقيم مهتمه جداً بنظافتي وكل شيء يخطر على بالكم سويته بدون اي نتيجه واي فايده
جتني فتره هاذي البكتيريا بالبول وعالجتها والحمدلله راحت
بس بالمهبل ابد ماتروح اخذ كورس العلاج كامل واعيد المسحه ونفس النتيجه تطلع غيرت المختبر ورحت كذا مستشفى ودكتوره وعلاجات غير بدون اي فايده
قبل العيد رحت اسوي مسحه لأن لي فتره ماسويتها قلت اشوف الوضع واليوم استلمت النتيجه وللأسف قمة التحطيم طلعت البكتيريا موجوده ودكتورتي دوامها الاربعاء
تكفون فيه احد مثلي جالس يعاني والله احس اني الوحيده وضعي غريب وعجيب مره اليوم ثالث العيد والناس مبسوطه وطالعه وانا قاعده بالبيت ودمعتي على خدي وافكار تروح وتجي احس قلبي بيتقطع من الحزن وغير كلام النت اللي يضيق الصدر وزاد همي هم يقولون ان البكتيريا هاذي تسوي عقم والتصاقات بالانابيب اخاف هي اللي ماخره حملي
والله حرام هالبكتيريا تكون سبب بقتل فرحتي وحلمي بالحمل معقوله مالها حل او علاج تعبت والله تعبت💔