التجمع 109 للمقبلات علي الحقن المجهري وأطفال الأنابيب

يارب ياحبيبتي يسهلها علينا جميعا وتنجح كل المحاولات

والله ودي اروح اتمشى بس غير العمل والالتزام صايره اوفر الاجازات للعمليات والحال ميسور ولكن الاوليه للمستشفيات و تجهيزنا لبيت العمر فالحمدلله على كل حال. ربي يغير الحال للافضل يارب

امين يارب قادر ياكريم يفرح قلوبنا ويعوضنا خير
زوجي تو يتكلم معاي يقولي امني بالله المقسوم لك واللي ربي كاتبه هو اللي بتحصلي عليه اذا شي مش مقدر او للان مش مقدر وقته ارضي بكتبه الرحمن
والحمدلله راضين الحمدلله على قضاءه وابتلاءه وامتحانه

ونعم بالله وكتبته الحمدلله على كل حال
بس والله يا اماني الاطفال يقربون العلاقات بين الزوجة وزوجها ويصلحون الحال فيما بينهم كثير من حولي كانت علاقتهم سيئة بازواجهم وربي وصلت للطلاق ومع انجابهم لاطفالهم مايدري الزوج ايش يسوي فيها من غلاتها هو سفرات هو اثاث فخم هو هدايا هو الالاف الريالات تنعطى لها كمصروف ماشاء الله الدنيا كلها تجيها عشانها بس انجبت لكن شوفي اللي للان ماحملت انواع التقصير معاها وهي صابرة على امل الحال يتغير والصبر بدأ ينفذ بكل صراحة
الله يختار لي وللكل الخير واللي فيه صلاح

الحمدلله رب العالمين على كل حال
قوي قلبك وسوي التجارب مره وثنتين ومليون في كل الأحوال هي تجربة ياتنجح يا ماراح تفقدين وتخسرين شيء

واحمدي الله دايم وانظري للجزء المملوء من كاسك .. كل وحده مننا كاسها فيه جزء مملوء وعندها شي مو عند غيرها مهما حسينا اننا فاقدين أمور .. قارني نفسك بالأسوأ وصدقيني بتستشعرين كل نعمك
الحمدلله عالأقل عندك ولد وأم جعل ربي يصلحه ويبارك فيه

وحده من عايلتنا قبل أكثر من ثلاثين سنه جابت ولد وماعاد قدرت تجيب غيره احد وكانو كل حريم العايله يتعززون لها ان ماعندها الا هالوليد بينما هم بيوتهم مليانه عيال .. والله يا أماني انه ماشاءالله تبارك الله من أرجل الناس اللي شفتهم في حياتي سمعة وصيت ورجولة وبر فيها لابسها تاج على راسه وتزوج وتعبى لها البيت من هالأحفاد يمكن ٦ يعشقون هالجده المدللة وسط هالابن البار وعياله وزوجته الطيبه .. وكل الحريم اللي في عمرها وكانو يتعززون لها وبيوتهم مليانه عيال على قل بركة حاسدينها الآن ويغبطونها على هالسعاده اللي تعيشها

غيوم مين قال لك كذا قريبتي عندها 4 اولاد ذكور كلهم وهي وزوجها علي طول مشاكل اى اختلاف تصير مشكلة توصل للضرب والاهانه ما يصير تاخذين حالة وتعممينها وانا مقتنعه ان ما يفرق الاهتمام ابدا قبل أو بعد هو يعتمد علي التفاهم والاستيعاب للطرفين