معاملة أهل زوجي السيئة ليّ [ مُعدل ]

السلام عليكم يابنات أنتم خوات دنيا الله يجعل هالوجيه في جنات النعيم مدري من وين ابدا أحس قلبي بينفقع سامحوني على عدم توضيح بعض الأمور لأن أخوات زوجي مشتركات في عالم حواء انا يابنات يتيمه زوجني عمي من الجماعه فقير وساعدته من مهري البسيط وهذا الكلام قبل سنين وأهل زوجي يعايرونه يقولون بنزوجك وحده تدفعلك المهر و يعايرونه بمرضي وخلقتي م انه عاجب زوجي بس انا مادخلت مزاجهم شوفوا وقاحتهم تكلموا في شرفي اخواته يوم الدخله زرونا وشافوا المفرش وانطموا انا يابنات متزوجه صغيره لا أم أو أب خلوها على الله صارو يخببون زوجي على لين صار مايجلس عندي ويوصفوله حريم طيب كان زوحتوه قبل لا يتزوجني كنت عروس وطبعي ماشرب ماء كثير نادر واجيهم من المغرب للعشاء يقولون لزوجي حرمتك ماتروح الحمام اكيد فيها بلا وإذا سولفت مع الحريم يسألون الحريم بعدي اذا رحت وش كانت تقول لكم لاتصدقونها ترها تنقل حكي ترها مثل المنخل وأول زواجي كل يوم عندهم بس بسبب كثرة المشاكل صرت أزور بالمناسبات واهديهم هدايا أجمع واشتري لام زوجي وبناتها وانا بحاجت الفلس وبعد ماربي فرجها مااهدي أم زوجي إلا ذهب كنت اشتغل وبناتي يروحن عند أهل زوجي ويضربونهم المهم بعد ماربي فرجها على وبناتي في أحسن وضع اخلاق وشهاده شوفوا وش صار وهذا اللي ابيكم تعقلون عليه يا مسلمين ازورهم بالأعياد والمناسبات ولاده عرس ومعي هدايا مع انهم ماقد اهدوني عووود ولا شفت منهم ريحة هديه مع اني عروس بالعكس اخته شافت ساعه على وقالت بروح فيها مشوار واستحيت اطلب منها ترجعها ولهفتها يتشرهون على ماجبتي لفلانه وعلانه وام زوجي تدعي على قدام الحريم جعل عيالها مايبروا فيها مع اني مامنعت ولدها زوجي كل اسبوع عندها والحريم الغرب يضحكون يعني تشتكي لناس مانعرفهم وعند كل الناس اني ماازوهم أسبوعيا وهم مابروا في عيال ولدهم لايسالون وأمه ماتزوني بالنفاس أذكر جاره سودانيه قدام بأبي انا نفاس وجارتنا زرتها أم زوجي معها قهوتها علما أن جارتنا جابت مولود بعده وقبله ولا زرتها إلا لماصادف نفاسنا سوا وتقول للناس انها دعت على وعلى الجنين اللى مات عشان ماازورها وبناتها مثلها مع أنهم مايوصلون اعمامهم يابنات دايم يحرجوني بالجماعات حتى مرة اخوهم عروس وتدقني بالهرج تقول من معطيك كروكي البيت وتطالعهم ويضحكون نعم خير من انتي بس اسكت عشان امشي الامور وكلها يوم قلت مثل مايدقوني ادقهم بالحق في جمعه أخته تقول مايجون والواحد ماله إلا هله طيب وينكم يوم عيالي صغار ولا يسالون ليش ماتجون ماصاروا يتكلمون الا بعد سنين وعيالي كبرو واغناني الله وبعدت عنهم وعن مشاكلهم ماسالوا وحنا على قد حالنا وعيالي صغار طلعوا إشاعة أن أخته طاردتني تنومت بالمستشفي ماحد طل على عيالي المهم قلت يافلانه زرتي عمك بالعيد عصبت وقال كل عيد عند أهلي مااعرف الا عيد اهلي قلت عمك حاط عيد قلت لا ونفخت وعلت صوتها قالت انتي تقبلين الكلام والحريم لاحضوا واختها شهدت أن عمهم يحط عيد بس هي ماتروح مره احرجوني في جمعه ماتعشيت استنيت زوجي ورحت وقالوا تسبب مشاكل مع اني متكلمت بس ماتعشيت وغيرت ملامح وجهي وهالمره زودوها كل كل اللي فوق مايهمني انا ذكرته عشان تعرفون معاناتي معهم اللي يهمني بناتي بكره بزوجهم وبجمع أهل ابوهم مع الناس اللي بيخطبون بناتي بيقولوا قدامهم كذا بيفشلونا الحين الناس الغرب مانعرفهم تفشلنا عندهم لو هم بياخذون بناتي بيصرفون نظر وكلهم من طينه وحده لا تقولون كلمي أطيب وحده من خواته كلهم قبل كلمتهم وحده وحده الحل معهم تصرفهم ذا يبوني مااجي والا ازورهم أسبوعيا يعني وش قصدهم لازم ازورهم بالمناسبات عشان بناتي ينبسطون ويسلمون على جدتهم وعماتهم هذا اللي حادني وش يبون من حركتهم وقصدهم والله تعبت اللي فاهمتهم تنورني ووش يبووون بالضبط موضوعي امانه بين أيديكم الله يفرج لكم دنيا وآخره