التجمع الثالث لأمهات يناير & فبراير 2019✨✨🌸

يقولون شق بطن ولا شق .... 😩💔
بصراحه تثقفت كثير من ناحية القيصري والطبيعي وسمعت اراء وتجارب كثير من حواليني .. وللامانه الاسلم والاريح هو القيصري خصوصا في اول ولاده الوحده تكون ماتعرف وين ربي قاطها ف انا قررت عالقيصري لذلك ابغا تجارب عنها ♥️

انا صرفت لي الدكتورة ١ ملجم ومريييحه ماتسبب لي الالام

انا ربيت طبيعي بعدين حملت المشيمة كانت قبل سولوا قيصريه بعدها حملت طلبت من دكتورة قيصريه قالت ياحرمة تولدين طبيعي وعندج قيصريه وحدة قلت لها ماابا اولد طبيعي قالت هاي بتكون ثاني قيصريه بعدها كله قيصريه قلت لها ادري برايه ابا قيصريه وبعدها الحين كل ولاداتي قيصريه احلى من طبيعي مليون مرة اتعذبت ف الطبيعي وايد انا احب قيصريه

أنا موعدي اليوم بإذن الله وراح أطلب الدكتور ان ولادتي تكون قيصرية لأنه حمل عزيز ماأبغى أخاطر بولاده طبيعيه سبحان الله يمكن تقل المويه او ينقص الأكسجين أثناء الولاده وهاذي اشياء صارت لناس اعرفهم ..

صبحكم الله بالخير ..
وضحى يعطيك العافيه ع فتح التجمع الله يهون علينا ماتبقى من حملنا يارب ..


سؤال كان بالتجمع اللي قبل ..
انا اتمنى يارب بنت واحس بنت بس احيان اكذب الاحساس عشان مااتعلق واقول اللي يجي من الله نعمه اهم شي الصحه والعافيه وحسن الخلق يارب لاتحرمنا وترزقنا شكر نعمك ..


انا ولادتي الاولى قيصريه ولدي كان جالس من السادس سبحان الله تعبت من كثر مااحبي واطول بالسجود بس ربي مااراد له يتعدل ظل جالس لين التاسع وولدوني قيصريه وقتها رحت وكان معي طلوق كنت بكريه ماتوقعته طلق كنت بأول التاسع ولما رحت وكشفت على طول بلحظتها ودوني الطوارئ كان الرحم منفتح والطلوق بدت معي وموية الجنين قليله ماانسى هاللحظات هذي اببببد روعه وخوف مع وجع الطلق احس الطلق متعب وانا بس ذقت بدايته بس حنا ندعي الله لايحملنا فوق طاقتنا ويكتب لنا الاهون والانسب والخير لنا سواء طبيعي او عمليه الحمدلله ..