انا على علاقه مع متزوج

السلام عليكم ورحمة الله


مدري كيف ابدا او اكتب موضوعي لاني جدا ضايعه
انا على علاقه من ٤ سنوات تقريبا بشخص من جماعتنا متزوج
العلاقه على ان طريقتها غلط لكن ماعمرها وصلت لقله ادب ابدا ولا حتى بالتلميح ابدا ابدا
وطول الوقت كان يقول بجي اخطبك وكان مقتدر جدا . لكن كنت ارفض لاني م خلصت دراستي وكنت مركزه عليها ولان زوجته كانت مسويه لي مشاكل كثيره وماكان فيني ادخل بمشاكل اكبر بهذي الفتره من حياتي .. كنت ابعد عنه بالشهور بسبب تانيب الضمير اللي ياكلني
وهوا يبيني اثق فيه لدرجه اعطاني كل شي عنه حتى رقم هويته وارقام هويه اهله وكل رقم سري لاي حساب له

اعرف انه غلط لكن كملت فيه وماقدرت اتركه لان كان نيتي لما اخلص جامعه نتزوج
ويقولي طيب هذي الفتره بس خطوبه واتركي الزواج لما تتخرجين . وكنت ارفض
اللي صار اني لما قربت اتخرج خسر خساره كبيره ورجعت ماديته للصفر .. وانسجن فتره بسبب هذا الموضوع ووقفت معه ولقيت له وظيفه بسيطه تمشي اموره
اللي صار انه طول الوقت صار يلومني لو اني وافقت نتزوج اول كان الحين يمدي الوضع غير .. لان الحين يبي له ع الاقل كم سنه ع بال م يجمع حق الزواج
وصار الوضع ضغط نفسي لا اكثر الين قررت اتركه هذا الكلام من سنه وشي


لما تركته زوجته صارت طول الوقت ترسل رسايل سب وقذف واني ساحره زوجها وانه راميها بسببي
لما عرفت اني انا دبرت له الوظيفه صارت تسوي معي مشاكل وتقولي خليه يتركها !
افهمها اني تركته اصلا ومالي شغل باللي يسويه ؛ ترجع تسب
.. اغير رقمي ترجع تجيبه وتكمل
وربي حتى اخواتها وبناتهم متسلطين علي بشكل كبير
واغير كل حاجه يرجعون لي ..
وهوا برضو كل شويه جاي من جهه لو اعرف انك انخطبتي ماتلومي الا نفسك


انا عارفه ان كله كان غلط من البدايه وبس خلاص انا تركت كل حاجه كيف اخليهم يتركوني بحالي لانهم يعرفوني وانا اعرفهم
تعبت من الوضع كله