تباشير(11) لـِ مواليد مايو و يونيو 2018

هلاوين
نفس ابني انتفخ سره الان صار له فوق ٣ اسابيع
منتفخ والسبب تقول الغازان ببطنه
وربطت على سره ورفضت الدكتوره تقول م ينفع بتضعفين اربطة بطنه على سته شهور راح يخف ويرجع طبيعي باذن الله
حاول تجشيئن بطنه بعد كل رضاعه ولايبكي كثير
والله يشفيهم ويهون عليهم

واعطتني شراب ماء بيبي وخفف عنه الغازات كثييير وصار ينام وانتظم نومه

م ادري ي نفوسات وكروشات
من ولدت صار لي شهرين وقبلها بكم اسبوع كنت تعبانه من الكحه ولازالت معي الكحه رحت لكذا مستشفى ومستوصف واخذت ادويه وابر ومسكنات وجلسات اكسجين وادويه وخلطات شعبيه وزيوت
ولا فاد فيهها🤕😢
اهلكتني بعيد الشر عنكم
م ادري وش اللي يبعدها عني صرت اشرق بوقت النوم ويطلع مع حلقي خيوط دم م ادري من جرح الحلق او الرئه صدري اسمع ازيزه امتلى بلغم وانتم بكرامه
حضرت العيد مع حبايبي واهلي بس تعبانه م حسيت بطعم فرح حضرت زواج اخوي وقابلت صديقاتي م حسيت ب اي فرح
صلحنا حفلات ورقص ووناسه م استانست
م ادري وش الشعور اللي فيني احس فيني من جوه هواء فضى ب اختصار م فيه اي متعه صرت اشوف كوابيس بالنوم فقدت السيطره على نفسي وصرت اضرب اولادي الصغار م ابي اسمع صوتهم او نفس منهم😭😭 متملله من كل شي والمشكله الجيوب الانفيه ملتهبه عندي مره ومن شدة الكحه صابتني الشقيقه امشي وم فييني اي حيويه او طاقه امي وابوي نظراتهم تحزن وهم يطالعون لي وانا اسوي اني طبيعي وبخير وازمه وتعدي
زوجي بياخذني هالاسبوع لمستشفى خاص في ابها ويارب يجعل شفائي قريب
اللهم له الحمد امي وابوي وزوجي وعائلتي واهلي بخير ونعمه م ينقصنا شي فقط ابي اتخلص من الكحة والشعور والاحساس الفضيع اللي جواتي
احتاج دعواتكم ي رفيقات هم الوحم والحمل والولاده💔☹️🌹

الله يعينك ويشفيك
الكحة زايدة هالايام اشوف ابوي مسكين متعذب منها من قوة الكحة يطلع ترجيع واحيانا اذا اكل شي برى عزيمة ولا زواج يتاذى مايرتاح الا لما يرجع الاكل كله

سلامتك من كل شر
انا قد جتني الكحه من وانا حامل ولعبت فيني لعب مااقدر اركب جمله على بعض منها وصرت بس ساكته وجلست معي لين بعد الولاده
لين نصحتني وحده بالطحينه السايله والعسل ملعقه من كل نوع واخلطها واكلها مرتين او ٣ مرات باليوم ولازم يووومي لين الحمدالله اختفت تطلع لك البلغم كله باذن الله