هل ممكن تستغنين عن الوظيفة فى هذه الحاله

الوظيفة اهم لكن دامها خاص مدري والله لان احس الخاص مو مضمون وحتى الرجال مو مضمون يمكن يكون بخيل ولا غيره و يمكن يبي يتحكم فيها ليه ما خطب وحدة مو موظفة من البداية

أموت وأعرف وش وضع اللي يجي لموظفة ويشرط تفصل من وظيفتها وهو مايعرف عنها ولاتعرف عنه شيء وش هالثقة؟!! لو وظيفته مختلطة وقالت له افصل هل بيطيعها؟!

تاخذ اجازة سنة بدون راتب بدون ما تعلم خطيبها ولما تتزوج تشوف كيف تعامله معها وكيف بيصرف عليها بعدها تقرر ترجع للوظيفة او تتقاعد نهائي ويمكن هي تقنعه انها ترجع تشتغل

الوظيفه ثم الوظيفه ثم الوظيفه
خالتي كانت رئيسه فرع كبيرررر وراتب ومنصب
وملكت واشترط عليها تترك الوظيفه
وتركتها
وقبل الزواج بعشر ايام طلقها
الله لايوفقه ولايسامحه

ماهو من حقه يطلب انها تترك وظيفتها
لكن اذا تعرفه وتعرف اهله واهلها يعرفونه
وانه رجال تكانه وراتبه كويس ومبسوط ماديا
وتحس ان لها رغبه فيه
تجلس معه وتحاول تعرف الاسباب وتحاول تقنعه
اذا اقتنعت باسبابه تترك الوظيفه
واذا ماقتنعت الله يرزق كل منهما بالافضل