مواقف وقصص في طواريء الولادة.. !

اكثر قصة اثرت فيني
مريضة عمرها تقريبا 27 سنة عندها 4 اطفال ولادة طبيعية
حامل بالطفل الخامس في الشهر الثامن
جت للطواريء بتحويل مستعجل من مستشفى خاص بسبب نزول كامل للمشيمة ومعها نزيف حاد وكانوا الخاص مقررين لها قيصري ووقعت على مسؤليتها وجت عندنا ..
اول مااخذنا المريضة في خلال خمس دقايق كانت في غرفة العمليات ..
والدة المريضة معها سوت لنا ازعاج وكانت تصارخ وتقول بنتي كل ولاداتها طبيعي مانبي القيصري جيبوها نروح مستشفى ثاني .. طبعا المريضة وصلتنا وهي بوضع متأخر جدا اول مااخذت البنج توفت وعملنا لها انعاش رجع النبض لكن باقي مافيها حياة (وفاة دماغية) وطفلها الى الان في الحضانة..
اللي صار لها هبوط حاد بالدورة الدموية بسبب النزيف..

😭😭😭😭
الله يرحمها ويصبر عيالها
من جد شي يحزن
💔

يعطيك العافيه ياسمين ع فتح الموضوع ..فعلا للافاده نتعلم من مواقف بعض .. الله يرحمها البنت

ذكرتيني بوحده قالولها الاطباء لازم يسوولها عمليه لان الطفل انحشر بقناة الولاده مو قادر يطلع طبيعي وهي الا مصره تولد طبيعي وبالنهايه ولدته متوفي دماغياً انقطع عنه الاكسجين لفتره طويله وحست بالذنب صارت كل يوم تزوره وتبكي مدري ليه بعض الحريم يعاندون بوضع زي كذا اكيد الطبيعي افضل بس حياتك وحياة طفلك اغلى القيصري مؤلم بس بالنهايه جرح ويطيب بس اذا صار فيك والا فطفلك شي يظل جرح لك وللي يحبونك طول العمر .. بطفلي الثاني تعسرت ولادتي قلتلهم سوولي عمليه وطلعوه لا نموت انا وولدي سوى عالاقل يعيش هو بس الحمد لله سهل علي وفرجها وولدت طبيعي.. شكراً يارب ❤️ اظل اشكره بكل لحظه عالرحمه والتيسير اللي احاطني فيها بذاك اليوم وبكل يوم .🌺

فعلا تصير مواقف تقطع القلب بس هذا قدرها..
والحمدلله على قضاءه