طبعآ مافي اكشن لانه مخطط للعمليه بس بكتب وش صار
يوم الاثنين سويت سونار بمستوصف الحي وكانت المويه ناقصه
الدكتور قال لازم نروح المستشفى اللي بولد فيها ونكلم الدكتوره
يوم الثلاثاء العصر رحت عند الدكتوره وقالت بتسوي لي تخطيط نشوف نبض الجنين اذا كويس ويتحمل الطلق الصناعي
سويت التخطيط والنبض كويس لكن يمكن مايتحمل الطلق ولانه حمل عزيز عشان كذا مابنخاطر وبنسوي قيصري على طول
احنا وافقنا لانه كمان مانبغى نخاطر بعد انتظار سنين الحمدلله
دخلت تنويم الساعه 11 الليل لاني كنت مجهزه نفسي وثيابي وكل شي ومتوقعه اي قرار من الدكتوره .. وسوا الروتين المعتاد فحوصات وصوموني من الساعه 3 الفجر
يوم الاربعاء الظهر دخلت العمليات بتخدير نصفي وكنت مستعده نفسيآ .. لكن من دخلت من باب العمليات ماعرفت وش حصلي وانقلبت حالتي وخفت وبردت ومع التخدير كنت ارجع اللي ببطني وهو اصلآ مافي شي مع الصيام .. وماشاءالله نص ساعه والبيبي خلاص طلع واخذوها غسلوها وبعدين اعطوها لعندي وهم لسه يخيطوا بس ماعرفت حتى اشوف لعندها مع التعب اللي احس فيه وبعدين خياط ومراقبه وخرجت لغرفة التنويم الساعه 2 .. كان جسمي يرتعش كله من البرد وماعرفت حتى اثبت يدي عشان يقيسوا الضغط .. كنت بردانة جدآ وبعدين عطوني قربه فيها مويه ساخنه وحطوها عند رقبتي ودفتني شويه ولما خرجوني غرفتي دفوني ببطانيتين والحمدلله راح البرد والساعه 5 اعطوني بنوتي ورضعتها .. مافي حليب بس كانت ترضع قلت تساعدني عشان تحفز الغدد ويخرج الحليب .. وكمان بعد ساعه رضعتها ثاني وخليتهم ياخذوها للحضانه لانه كانت جوعانه وتبكي
وبعدين اعطوني تحميله ودخلت الحمام والحمدلله كل شي كويس
النهايه 😂😂😂
عقبال باقي االكروشات يولدوا بالسلامه ان شاءالله 😍
🎉💕 تبــاشيــ((٢))ــير .. لمواليد يوليو & أغسطس ٢٠١٨ 💕🎉
متابعة النقاش، صفحة 176