🎉💕 تبــاشيــ((٢))ــير .. لمواليد يوليو & أغسطس ٢٠١٨ 💕🎉

بحاول وان شاءالله ينفع معي
لكن البرتقال يسبب لي حموضه ويزيدها اكل او شرب😣😣

اتجاه ماشاءالله ربي يسرها لك وعقبالنا
انا من حملت ادعي بالولاده الميسره والله يبشرنا يارب




دانا انت مثلي طلق ومغص ولا فيه بوادر حتى
لكن المغص قوي لدرجه احني ظهري لجاني😖😢😢


الله ييسرها لنا ونولد ونقوم بالسلامه

حطوا قائمه باسماء اللي ولدوا

ماشاء الله اكشن اتجاه الخير يجيب التفاؤول
وحبيت اذكر لكم الاكشن حقي لانه مقارب لاتجاه الخير


بدت معي الالام من الساعه ٨ مساء بس الم خفيف عادي وكانه طلق كاذب وطلعت مع اختي السوق لانو ودي امشي
الساعه عشره بدا الالم يشتد رجعت البيت وظليت امشي داخل البيت .. الالم مستمر لكن مو منتظم ولا ادري هو طلق ولاده او كالعاده طلق كاذب لانه خفيف واقدر اتحمله
الساعه ١ باليل سويت كبو قشور بصل مع كمون وشربت مويه منقوع فيها زعفران بعدها نعست ونمت الساعه ٢ تقريبا
صحيت الساعه ٥ الفجر على الم بديت احسب له منتظم كل ٥ دقايق بس كان الم اقدر اتحمله يعني بالبطن فقط ما وصل للظهر وطلعت المستشفى وصلت ٦ ونص. فحصت وقالت مفتوح ٥ سم وطلعوني للولاده. جت الممرضه وحطت التخطيط وتقيس نبضات القلب وانا الالم مستمر بدا يصير في بطني وظهري واشتد علي. واقولهم احس اني بدفع وهي تقول لا انتظري قفلي رجولك تبغى تاخذ تخطيط. طبعا مو بكيفي اوقف البيبي يدفع وفتح موية الراس من الطفل دون تدخلهم واصيح اناديهم خلاص طلعت وصرت ادفع جت الدكتوره وانا ادفع ويلا بوووش وطلعت بنتي الجميله ،،، سبحانك يا الله لحظه خروج الراس شعور راحه لا يوصف اللهم لك الحمد من قبل ومن بعد ... وخلاص بعدها طلعت المشيمه .. الحمدلله ما صار عندي جروح
ملاحظتي لما طلعت لغرفة الولاده كانت بدت معي الطلوق اللي بالبطن والظهر طلبت مسكن ورفضت قالت لازم اخذ تخطيط قلب البيبي لمده عشرين دقيقه ثم اقدر اعطيك المسكن طبعا وانا اهاوش خلاص مت. يعني ما خلصت العشرين دقيقه حقت التخطيط الا وانا والده الحمدلله. خلوني بالغرفه تحت الملاحظه مدة ساعتين لان معي عمليه سابقه ويبون يتطمنون ان وضعي تمام. بعدها طلعت للغرفه
دعيت للجميع الله يكتب لكم الساعه الهينه والولاده السهله يا رب

ياقلبي الحمد لله ربي سهل عليك
الف الف الف مبروك وحمد لله ع السلامه
تتربى في عزكم العصفوره
عقبالنا ي رب 💔