تجمــــــــــع ((للزوجات الثانيات)) فقط

بعض الرجال الله يهديهم ماخذين الزواج تغييير اجل وش رايكم بالي يحلف انك ما قصرتي علي ابشئ لكن ودي اغيير ويقول زي اللي ياكل الرز كل يوم يجي بخاطره انه ياكل مثلا مرقوق هههههههههههه الله يعين على هالحال الطبخات واجد لكن ما اقول الا ........... الله يصلح احوال المسلمين امين.

مكرر

بنات يجب أن نتفق على شئ واحد وهو أن الرجل عاطفة قلبه تتسع لأكثر من واحده وهذا الشئ ليس بيده لأنها فطره من رب العالمين فطرها فيه لكي يكون قادر على التعداد .... ولذلك نجد أن الرجل التقي معدد .... وكما نرى كثير من الاخوات الذين ازواجهم غير معددين يشتكون من الخيانة الزوجيه .... وهم لايعلمون أنهم يتجهون بفطرتهم الى الطريق الخاطئ وهو التعداد من غير زواج ( إلا من التقى الله وحفظ نفسه وأهله )

السلام عليكم ورحمة الله وبركاته
اشحااالكن ياالغاليات ... عساكن الا بخير وعافيه
ما شاالله تبارك الرحمن
قريت كم صفحه من الموضوع
والصراحه كلي اعجاب ... وكلي فرحه وسعاده ان في حريم مثلكن
ربي يسعدكن ويوفقكن يارب

بالنسبة لي ... انا زوجة اولى ... متزوجه من ثلاث سنين وتسع شهور تقريبا
ومن اول ما تزوجت .. ريلي داااايما يقول لي بتزوج عليج
دااااايما داااايما .... يوميا << تخيلوا
ومن دون اي سبب .. حتى يوم اسأله يقول لي انتي مب مقصره لكن خااطري اتزوج غيرج !!!
<< احس ان الفكره كانت في باله من زماااااااااان يمكن من ايام المراهقه

عن نفسي الصراحه انا ما عندي اي اعتراض
والحمد لله متفاءله << وتفاءلت اكثر عقب قرايتي لكم صفحه من هذا الموضوع
واذا تزوج علي .. ان شاالله تكون الثانيه انسانه محترمه تحترمني واحترمها ونكون متفاهمات ومثل الخوات

اشترطت على ريلي انه اذا تزوج ما يسكنا في نفس البيت
<< مب لاني حاطه في بالي اكرهها .... لاني ما ابغي مشاكل وانا عارفه غيرتي (احس اني واااايد غيوره ) وما ابي اكون سبب لمشاكلها بالعكس ابيها تعيش بسعاده وياه مثل ما اتمنى السعاده لنفسي

شو رايكن بشرطي؟؟؟
هل يحق لي اني اشترط عليه هذا الشرط ؟؟؟
علما بأنه رافض وحاط في باله ان يسكنا ويا بعض
ف شو رايكن بما انكن مجربات ... اتم مصره على رايي؟؟؟ والا اخليه على راحته؟؟؟

ومع اني في قرارة نفسي راضيه
الا انه كلما اييب طاري الزواج والتعدد احس بعصبيه
<< احس اني فعلا مليت من هذا الموضوع ...مع العلم باني في اغلب الاحيان اسايره واقول له كيف ان شاالله بتكون معاملتنا لبعض
والحين انا حامل في اول حمل لي << ولله الحمد
واحس الموضوع فعلا يضايقني
اسمحولي ... عارفه ان الثانيه او الزواج الثاني حلال ومقتنعه كل الاقتناع
لكن شو رايكن ... شو اسوي؟؟؟؟

ان شاالله ما تحط اي وحده فيكن في خاطرها من كلامي
وان شاالله كلامي ما يكون ضايق اي وحده فيكن
لكني حبيت اعرف رايكن لانكن متزوجات رياييل عندهم حريم قبلكن
وما شاالله باين عليكن فعلا احسن زوجات ... ربي يوفقكن ويسعدكن

واذا تزوج
اعرف ان اهلي بيكرهونه (لا قدر الله) << لانهم بدوا يكرهونه من تصرفاته
كيف اقدر اتجنب كلامهم .. ونقدهم له (وبالذات اذا تزوج) ؟؟
لاني احيانا احس اني اتأثر بكلامهم << وانا فعلا اكره الشي هذا ... احب اعيش ويا ريلي بسعاده واتمنى كل السعاده لكل البنات
وكلام اهلي نابع من تجربه مره مرينا بها من زواج ابويه ربي يحفظه (لان تعامله مع زوجاته ... مممممم ما اعرف شو اقول ... ربي يعينهن ويرزقه حسن العدل بين الحريم والعيال يااارب)

اسمحولي طولت عليكن .... ويالسه اقول لكن قصة حياتي
لكني محتايه اشاور ناس مجربين عشان اعرف
ابغي اعرف شو هي مشاعركن تجاه الاولى
وبما اني اولى كيف اقدر اتجنب المشاكل مع الثانيه
وكيف اقدر اخلي ريلي يحبنا ثنتينا واحببه فيها بعد؟؟؟؟
وكيف اقدر اكسب ود الثانيه وود عيالها (ما احاتي العيال وايد لان اغلب الاطفال الحمد لله يحبوني وهذي نعمه عظيمه من ربي ... ربي لك الحمد) .. لكن اذا تزوج وحده كان عندها عيال وعيالها كبار شوي (يفهمون) ... يمكن ما يتقبلوني ... ف شو رايكن؟؟؟؟
هل احتك بها والا ما يكون لي خص فيها ولا اسأل عنها ولا شي؟؟؟؟

والسموحه
ربي يوفقكن ويسعدكن دنيا واخره