ذكرتيني بنفسي كانت علاقتي قوووية وكنت انا المبادرة مع اهل زوجي سهر وجمعات وهدايا ودعاوي طيبة وكنت والله الشاهد اعتبرهم خووووات لي واكثر بعد ويدخلون غرفتي ويتمشون ببيتي براحتهم والله ماعمري كشرت بوجههم من كثر ما كنت مغفلة وعلى نياتي وكان زوجي يودي اخته للمستشفى لانها كان معاها التهابات قبل ما تحمل وهو اللي يوديها بنص الفجر لان زوجها بدوام وعادي عندي رغم اني عروس وقتها مالي شهر نقطع طلعاتنا عشان يوديها لاهلها او يوديها للمستشفى حملت الاخت وتتسدح ببيتي وتاكل وتتفرج على اللي تبي تجيني من العصر ما تروح الا الفجر وكانت وقتها حامل ومخبية علي فقط
المهم لما وصلت للشهر الرابع قالت لي ما راجعتو مستشفى وانالي ٦ شهور زواج قلت لها بدري قامت تتشكى لي انها ماحملت وان ام زوجها تضايقها بالكلام > هي متزوجة قبلي ب ٩ شهور وحملت خلالها ولما وصلت للثالث اجهضت وخذت مانع حمل يعني مدة تأخرها لا تذكر المهم جلست ادعي لها واصبرها وقالت اساسا انا اذا حملت بخبي من عيون العالم تعرفين فلانة متاخرة وفلانة مالله رزقها مافهمت كلامها وقتها المهم انها دخلت السادس ومافي نيتها تعلمني تلبس وسيع وتخبي بطنها بالمخدة ولما وصلت لاخر السادس انا شكيت وسألت زوجي قال اي حامل قلت وانت ماتدري قال اي توني ادري > مع انه كان يدري ومخبي علي
والله بكيييت بكي بحياتي مابكيته حسيت بقهر عظيم لاني معتبرتها اخت ومابينا شي وادعي لها بظهر الغيب بالحمل وربي بوقت المطر رافعة يدي ادعي لها قبل نفسي واهديها كل فترة واغير جوها عشان تنبسط وبالنهاية مخبية خوفا مني ومن بعدها تغيرت علاقتي ١٨٠ درجة بأهل زوجي حتى هم كانو يلمحون اني ليه صرت ما ازورهم مثل قبل ويتشرهون بس خلاص لا يلدغ المؤمن من جحر مرتين التخبية عورت قلبي بشكل مو طبيعي رغم ان سالفة لها ٣ سنين بس وصمت بخاطري ليومكم
وحملت هالمره وخبت علي بعد بس ما انصدمت لاني خلاص صارت عندي مناعة ولاعاد لها غلا بقلبي صارت انسانة عادية بحياتي لا راحت ولا جت .
التجمع 110 للمقبلات على الحقن المجهري واطفال الأنابيب
متابعة النقاش، صفحة 9