غرايب مواضيع عالم حوا

ايوه انا من النوع اللي يتاثر ويفكر بالايام
وادعي لهم
طبعا بعد ماتاكد انها صادقه

والله ثلاث قصص مررررررة شدتني تعاطفت معهم وانشغل تفكيري بهم وصرت احكي كل من اشوفه عنهم ،،، طبعا كل موضوع في فترة مختلفة ،، ووحدة من القصص صارو البنات يكذبون صاحبة القصة ويطلعون لها تناقضات والله اعلم ،، وما اتذكر اسماء صاحبات القصص

القصة الاكثر تأثيرا عليّ .. ومازلت اتمنى اعرف وش صار عليهم ،، قصة البنت اللي زوحها مرض وتغير عليهم وصارت مشاكل بينها وبينه لدرجة انه طلقها طلقة وراحت لأهلها وبعدين اكتشفو ان سلفتها ساحرتهم وفرقتهم .. فقدمت فيها شكوى بالمحكمة وصارت قضية انهارت سلفتها وكانو اهل الزوج يطلبون منها تتنازل عن القضية لأجل بتات السلفة كيف امهم تنسجن ،، وما ادري وش صار بعد كذا


القصص الثانية مابي اوجع روسكم بها وتعبت من الكتابة ✋🏼😅

صحيح هاذي مؤلمة..والي امس كاتبة موضوع.امها تبغاها تروح عند ابوها تعيش وتقول انها خائفه على نفسها من ابوها..هاذي مؤلمة الله يفرج همها في ذا الساعة.امين

كثثثير قصص تحزن بس ماادري صدقها من كذبها زي قصت ام جنى واضح تأليييف امممم وكمان مواضيع الجن كل وحده تقول لك قصه ماتدخل الراس وبس والله

والله كل المواضيع كوم وموضوع وحدة عاشت عند جدتها من عمر ست سنين خلتها امها عندها عشان لاتقعد لحالها بعد مات جدها ومافحالهم العيال والبنات يترددون على امهم في القرية فخلو الضعيفة هذي عندها وليتها كانت طيبة معها كانت قاسية وحررمتها من كل شي وعاشت عندها عشرين سنة ماتشوف امها واخواتها الا في الاجازة رجعت بعد عشرين سنة ماتعرف اي شي من الاجهزة الحديثة ولا اي تطور لانها قرية نائية ماكان فيها غير الراديو طبعا القصة لها كم سنة لكن تفاصيلها محفورة في ذاكرتي مؤلمة كانت تشرح التفاصيل بألم كبير تقول كيف اسامح أمي اللي دمرت حياتي ... الله المستعان