فروح حبيبتي ..
قريت تعليقك اللي قبل هذا عن رجعتك لبيتك وزوجك
انا اول ما حملت كنت كارهه شقتي وما اتحمل زوجي
وكنت اضغط على نفسي شوي .. طول يومي عند اهلي وبس ارجع انام ف الشقة ومع ذلك نفسيتي طول الليل مأساة ووحامي يرجع معاي
وكنت اقول ان شاء الله بعد العيد يرجع كل شيء نفس قبل واحسن
وعدى شهر رمضان وبعد العيد مرضت واحس اني كله تعبانه وتعودت على الجلسة عند اهلي وما تغير وضعي مع ان مافيه وحام بس كأنه عجبني هالشيء !!
وبديت احس ان حياتي تتدهور وزوجي زهق من هالوضع كفاية انه صبر عليي الفترة اللي راحت
جلست ليلة مع نفسي اراجع حياتي وقررت اني لازم اتغير
ودعيت ربي يشرح صدري وييسر امري
وفعلاً نمت وقعدت كأني وحده ثانية فجأة حبيت حياتي وشقتي وبديت اجلس فيها واهتم واسوي الاشياء اللي كنت اسويها قبل الحمل وكل شيء اسويه بحب واخلاص
ما شاء الله لا قوة الا بالله، ما تتخيلي كيف نفسيتي تغيرت وحسيت اني انطلقت الى الحياة وهالشيء طبعاً انعكس ايجابياً على زوجي وحتى هو تغير
ما اقول لك ان ما تصير مواقف تضايقني بس ادعي ربي واتجاهل واطنش اذا الموضوع ما يستاهل
اول شيء غيري تفكيرك وبعدي المخاوف عنك وتوكلي على الله وادعيه ييسر لك امورك
ترى الشخص مهما كان يطفش من البعد والنفسية تصير لك عليها
والله كتبت لك هالكلام من قلب وكأنك اختي لأن بعد موقف اللي صار لك تأثرت لأني زيك مره حساسه ولو صار ليي هالشيء بتضايق وبزعل واذا نفسيتي مو اوكي بصيح بعد 😂
ف يا قلبي تعوذي من ابليس وتفائلي وفكري ترجعي لبيتك 💘
الله يهديه ويسخره لك 🙏🏻
✨🌺التجمع التاسع لأمهات نوفمبر & ديسمبر 2018 🌺✨
متابعة النقاش، صفحة 231