💕التجمع ال 40 لامهات وحوامل التوائم 💕💕

الله يعافيج فديت قلبج
لا اليوم الحمدلله ابشرج انزلت حرارتهم امس مأساه كسروا خاطري

انتي ليش الفرق كبير بينهم انا ولدتهم بفرق700 غرام بس اللحين صار الفرق 500 مع الشهور احس الفرق ينقص انا بناتي وحده طويله وضعيفه والثانيه قصيره وحليوه مب متينه بس زينه
الحليب توني مغيرته لا ابتاميل كنت استخدم سميلاك كان زين بس سبب لهم إمساك 💔

السيريلاك كل الأنواع وكل الشركات شريتها ولا تقبلوا الطعم خصوصاً وحده فيهم بزيادة بس تحب بسكوت فارليز وتحب تمسكه بيدها هي تاكل نفسها
الخضره الكوسا الشي الوحيد اللي اتفقوا عليه انه ماياكلونه ماحبوه الجزر وحده حبته والثانيه لا البطاطس وحده حبته والثانيه لا متعبات في الاكل الله يهديهم
الفواكه وحده حبتها والثانيه ماتبيها أبد تعطيني تعابير انها الله يعزج بترجع
وحده منهم تغمض وتسوي حركه تضحكني بعيونها اذا شافت الملعقه فيها اكل الناس ياكلون في نص ساعه وانا وبناتي ناخذ قريب الساعه في محاولات انهم يتقبلون الاكل

ي عمري الله يعين انا من الحين اشتري كتب تربويه خاصه مع التوام ابي امشيهم مو هم يمشوني ع مزاجهم والله
هههههههههه يضيق الصدر فصعون ويعيي بعد وه بس 😂💔
بس بعد وحده تقول كثره الطلعه والتنقل يخرب نومهم وكل النضام يعني اذا طالعه كل شوي بيتك وبيت اهلك مارح يضبط نضام عليهم وذا الي مضيق صدري يتعودون ع جو بيتي مافي الا هم ان شاء الله وبيت اهلي ماشاء الله اطفال وزعاج اذا تجمعو يعني احاول ارتب غرفه بعيده عن الازعاج قدر المستطاع الله يعين بس

يعطيكم العافيه خواتي والله يبارك لكم فيما رزقكم والله يتمم لكل الحوامل ويقر عينهم بشوفة عيالهم سليمين معافين


عندي استفسار عن الأعراض اثناء فترة التبويض اكثر من بويضه هل حسيتو بغثيان مستمر (لوعه) بدون ترجيع ؟؟

حبيبتي الأطفال في هالسن صعب تمشينهم انتي وعلى قولتج هالفصعون بيطلع لج قرون وبيمشيج على كيفه وانتي بتستسلمين وتسوين اللي يبيه بس علشان تريحين راسج من الحنه
ونصيحتي لا تشترين كتب ولا هم يحزنون كل إنسان وله طريقته في التربيه والتعامل معاهم على حسب طاقتج
وبالنسبه للطلعه انا في بيت بروحي واذا رحت لبيت هلي ماشاءالله ازعاج عيال اخواني وخواتي تخيلي ماينامون ويخافون من الأصوات ومن الناس بصراحه شي متعب تخيلي هلي يبون يشيلونهم يحبونهم وبناتي يشلون البيت بالصياح شي يفشل 🌚
ونظام نومهم اذا رحت بيت هلي يتغير واذا رجعت بيتي يتغير يعني يخترب نومهم فاضطر اني اعيد برمجتهم 😂😂
الله يكتب اجرنا يارب ويرزقنا برهم ويخليهم لنا