🎉💕 تبــاشيــ((٤))ــير .. لمواليد يوليو & أغسطس ٢٠١٨ 💕🎉

أم النوري وجلنار
الحمممممدلله على سلامتكم😍😭
ومبارك ماجبتم .. الله يجعلهم من الذرية الصالحة💐💕💕

هديتي أنت
حبيت اكشنك
والحمدلله ربي ييسرها وفرج عليك بسرعه😢
الحمدلله على السلامه ..
ربي يبارك لك فيها وفي أخوانها💕

صباح الخير عليكم
طبعا فالمستشفى مافيه نوم الله المستعان حسيت اني تحسنت شوي عقب المغص وقلت اخبركم باكشني
ومانسيتكم من دعواتي وقت الولاده ان ربي يفرجها عليكم والف مبروك للي ولدو بعدي ومعي
المهم رحت قبل امس موعدي كنت طفشانه من الثقل والتحجررررر وكنت مطنشه موعد لي وجاني شعور خوف قلت لازم اروح اتطمن
رحت قبل موعد ولادتي بيوم ومجهزه نفسي للطلق الصناعي لان كل حملي ببناتي لازم طلللللق فمستسلمه
قلت بروح الموعد فالليل عشان يجهزوني للطلق الصباح وبناتي نايمين ويا امي ماابي احد يدري عني 😩
كلموني المستشفى قالو الدكتوره عندها عمليه بتكنسلين موعدك قلت لا بنتظر شوي وبجيكم الين تخلص عمليتها وفعلا رحت بعد ساعه وقالو جتها عمليه ثانيه طارئه واحتمال ضعيف انها تستقبل مراجعين بيخلص دوامها دخلني شعور الاحباط بس قلت يالله خيره واطلع من المستشفى مافيني شي ونفسيتي تعبانه وادعي ربي تتيسر وخذت موعد الظهر لليوم اللي بعده اللي هو اخر يوم فالتاسع
فالليل تكور وتحجر بطني وانا مااعرف للطلق الطبيعي لاني متعوده عالصناعي قلت يمكن تحجر من كثرة الحركه ولاني نظفت بيتي تنظيف عميق
واسوي لامي العشاء ويوم شافتني قعدت تدعي لي لان بطني تغير سبحان الله في لحظه ونزل
قبل الفجر جلست اصلي وادعي من كل قلبي بالتيسير واني اول محد يدري عني هذا كل همي راحمه امي
وخذت خاتم الاستغفار وحطيته في يدي واستغفر وانا ويجيني طلق واقوم واكمل استغفار وانام والم فضيع يمكن كل عشر دقايق يصحيني بس مستبعده الولاده
جت الساعه ١١ ونص الصبح وطبعا موعدي الساعه ٢ الظهر ولاقدرت اتحمل صحيت اخوي ورحنا وقلت للاستقبال اذا بتدخلوني بسرعه عند الدكتوره والا انزل طواري فيني تعب قالت روحي طواري احسن قلت ودي اقابل الدكتوره وفعلا ماعندها زحمه الحمد لله وادخل وتكشف علي عيوني وعلى الراس بيدها قالت الراس فالحوض <<<اول مره تصير معي دايم بناتي معلقين فوق ماينزلون بسرعه وكشفت وماشاء الله ٥ سانتي
استغربت من صبري قالت شكلك من زمان تطلقين قلت ايه من الليل بس كني بكر مااعرف الطلق لاني مااحس فيه في بناتي
بنتي الاولى عطوني ابرة ظهر مع الصناعي ولاحسيت والثانيه صناعي ويكون حار ورى بعض
عاد قالت يالله بسرعه ولاده
بعد الكشف معد قدرت امشي احس الراس نزل زياده وحابو لي عربيه وطلعوني فوق
والحمد لله ماطولت فالطلق لانهم فتحو المويه يوم صار ٧ بس اللي اتعبني الرااااااس طولت وانا ادفع
وتحاول فيني بدون توسيع وللاسف وسعت بس قلت بكيف اهم شي يطلع
والحمد لله بعد محاولات يمكن نص ساعه او اكثر
انا دايم مشكلتي فالدفت مايطلع بسهوله
المهم انها حطت لي بنج تحت الحمد لله وخيطتني وبعدها حطو لي نقطه طلق صناعي فالمغذي سالتهم ليش قالو عشان لايجيك نزيف استغربت من المعلومه لكن طلبتهم مسكن وحطو لي تحميله وهدت علي شوي
والحمد لله تيسرت كاني في حلمممممممم
طبعا قبل مااولد عطوني مضاد لان فيني التهاب فالمهبل وقالو بنحلل الطفل لو انتقل له الالتهاب بنعطيه مضاد لكن الحمد لله شكل ماانتقل له ولاسالتهم كنت مرهقه
وفالاخير اقولكم يابنات الولاده وقت ربي محددها وبتجي لو وش فعلتي وسبحان الله كنت شايله من راسي الطلق الطبيعي اقول مستحيل يجيني زي الناس
بس مع الدعاااااء الدعاء الدعاء والاستغفار انفرجت لي
وايه ذكرت قبل لااطلع للمستشفى كنت ابي اشوي لي حليب بزعفران ولاامداني
ف خذت مويه عاديه بارده وشوي زعفران وشربتها
معليش طولت عليكم
والله يحفظكم

جلنار


الحمدلله على سلامتج ومبروك العريس


ربي يجعله من الذريه الصالحه يارب

ربي يسهل وييسر ولادة كل وحده منتظره الولاده
وننتظر تباشيركم