🎉💕 تبــاشيــ((٤))ــير .. لمواليد يوليو & أغسطس ٢٠١٨ 💕🎉

ماشاءالله عليهم ..الله يخليهم لك .. يمكن اهل زوجك متعاونين كثيرررر ماشاءالله

انا وسط .. اذا جا في بالهم احد يساعدني تمام واذا انشغلو الله يعيني ع الكرف ..بس احاول اريح نفسي ماحد نافعني اذا تعبت

لازم تسألي دكتورتك تطمنك

الحمدلله على سلامتكم والحمدلله ربي ييسرلك ولادتك

خيره ان شاءالله يمكن انا كل أسبوع عشان وضعي
باذن الله يتعدل الجنين ويسهل ربي مخرجه
دعواتكم لي بظهر الغيب

الاكشن المفاجئ😅


رحت مراجعه ظهر الاحد خامس يوم في التاسع وقبلها كنت جايه من الهدا و تعبانه ومانمت الا كم ساعه وصحيت قبل الظهر عالموعد في جده اطمن عالمويه الي تنزل معايا نقط تبللني للفخذ لها ممكن اربعه ايام لها
وطلعت موية البيبي الحمدلله قدر الله وماحبيت اشغل بالكم كتمت عالموضوع😅
وتنومت بعد مناحله مع الدكتوره حاولت اخرج ع مسؤليتي اجيب اغراضي بس قالت ماعاد امسك حالتك بعدها لو رجعتي عاد جلست بأدبي☹️ وزوجي رجع مكه و كتبتله كل الاغراض والحمدلله مزبطه ومنظفه ومغسله وكنت حاسه ان ولادتي قربت
واعطوني مضاد للالتهابات بما انه معي التهابات واهملتها للاسف لأن تعبتني وهيا سبب ثقب الكيس
بس ثلاثه مرات المضاد في الوريد على فترات متباعده وبنفس الوقت بدأو معايا في تحاميل طلق اول وحده حطوها على الساعه تسعه الليل مافي الم بس تحجر شديد وضغط على اسفل
وبدا الم الطلق من الساعه ١١ ونص ينتظم وخفيف بعد ماراح مفعول التحميله بعد ساعتين
والساعه ثلاثه فتح واحد ونص سانتي الحمدلله قمت صليت الوتر والالم لازال خفيف انتظرنا لتسعه الصباح وهوا على حاله سانتي ونص مازاد اعطوني الثانيه على تسعه الصباح
و الالم الخفيف شد عليا وقمت امشي زي مامشيت بعد الاولى بس صعب كان المشي لأن احس بثقل وضغط شديد على رجلي بشكل فضيع الالم كله كان في رجلي
و راح مفعول التحميله بعد ساعتين بس مستمر الالم الخفيف الاولاني ع اقوى
والتحميله الثالثه كانت قبل العصر والالم كان شديد والضغط اشد خلاص رجلي ماعاد تشيلني
وفتح يادوبك اثنين بعد كل هالمعاناة رغم اني حاولت امشي وقرفصاء ورطب بس ابدا مافيش
وجت الدكتوره وفتحته ثلاثه سانتي عورتني بس اتحملت لأن خلاص تعبت الم خفيف متواصل ومانمت من وقت ماجيتها المراجعه
وبعدها على الساعه ١١ الليل نقلوني ع غرفة الولاده على تسعه ونص وسوولي تخطيط ساعه والرحم على ثلاثه صامد
وفضلت امشي امشي فيها وعلى ١١ ونص انفكت المويه وهذي اول مره تنفك فيها بنفسها
وبعدها بدا الجد بدا الالم يشد ويقوى ويستمر ويتقارب واقولهم فين ابرة الظهر انا متفقه معاكم ع ابرة الظهر طالما في طلق صناعي
يقولو لازم اربعه سانتي ولسه مافتح انتظر والالم يشد قامت اعطتني الكمامه اصبر نفسي بيها لين يفتح اربعه لأن الطلق حامي من البدايه ما اتدرج معايا 😰 مو زي دايم ممكن مع الطلق الصناعي
وبس عالكمامه اضيع وادوخ واجرجر زوجي لين فتح خمسه مو بس اربعه وجا دكتور التخدير وحطلي الابره ع وحده ونص وعلى ثلاثه ونص فتح عشره ونادو دكتورتي و دفي دفي دفي وخرج ولدي بالسلامه وانا افكر في اسمه مع زوجي😅
الحمدلله الحمدلله
وقفة زوجي جنبي خففت عني كثير😢
اول مره هذي❤️
الحمدلله حتى يبلغ الحمد منتهاه
وزنه ٢٧٠٠ وماشاء الله مافيه الا العافيه حتى الدكتوره والممرضات كل ماحطولي التخطيط يقولو البيبي كويس ماشااء الله من الترفيس ودكتورة السونار تعبها🤣🤣
حاولت الدكتوره ماتوسع لكن عدمني زي اخوانه و وسعتلي وخيطت الي عدمه والي وسعته والحمدلله
الحمدلله يارب