الي عمر طفلها اقل من سنه ونص وتعلم على الحمام ياليت تدخل

مرحبااا حبيباتي ...

وحشتوني وان شاء الله ما يوحشكم غالي....

بنتي بسم الله عليها الحين كملت سنه وشهرين بالتمام .. ودي اعلمها على الحمام...

وبديت معاها تقريبا من شهر ... بس الى الحين ما في فايده ....

احطها اول ما تصحى الصباح بالقيصريه ومرات تسويها ومرات ماتسويها واجلس حول الساعه والنص

واحنا معاها هواش عشان تجلس فيها ....

المهم مرات تسويها بالقيصريه ومرات لأ ... طبعا بس اذا انا وديتها.....

الي طفلها كان عمره سنه ونص وتعلم على الحمام ياليت تعلمني كيف تعاملت معاه وكم الفتره الي استجاب فيها...

يعني متى تصير هي تقولي نونوو يعني حمام ....

هل في فايده اني اعلمها هالوقت والا بيروح جهدي على الفاضي ....

ياليت تساعدوني لأني تعبت معاها

10 تعليق 1,326 مشاهدة

شاركي في النقاش

سجلي الدخول لإضافة تعليق.

التعليقات

9
  1. @aatr_alzmn

    ممكن في هذا السن تعلميه الحمام ولكن تعليم الحمام يبيله صبر وصبر وصبر.........يعني لا تعصبين وتبينين للطفل ان هذا الموضوع صعب اتقانه .........دائما حفزيه كلما عملها في الحمام ........بالحب بالمدح بالحنان بالهدايا ............الخ


    كتبت قبل شهور في هذا الموضوع عن.........


    المهارات المطلوبة توافرها في تدريب الطفل على استخدام الحمام
    http://forum.hawaaworld.com/showthread.php?t=515931


    اقراي الموضوع وان شاء الله تستفيدين .........وخبرينا ....ويش يصير معك ...........بالتوفيق
  2. اصبري عليها بدري واخاف تجيها رد فعل عكسيه وتكره الحمام والقيصريه وتحسه شي اجباري قبل وتصبح عليه وتشوف توترك معها وهي توها صاحيه

    اقل شي الين تكمل سنتين اصبري بعد لبعد الشتاء الي قرب يدخل

تابعي تجارب أخرى من هذا القسم.