شاوروا عليا ويش اعمل مع زوجي

السلام عليكم ورحمة الله وبركاته ..
خواتي ..قبل فترة كنت اكتب في المنتدى واخذ مشورتكم من الصدمات اللي صارت لي في حياتي مع زوجي ..ولي فترة طويلة تعتبر ما ادخل عالمنتدى ولا اكتب ايش اللي بيصير ليا ومعايا ..
اللي حابة تقرأ ماسبق مو مواضيعي اللي هو هذا الموضوع يعتبر سلسلة وتابع لما سبق ترجع لها وتقرأها ..


باختصار شديد ..زوجي تزوج بالسر..بعد فترة .. بدون ما ادري فجأة أعلن .. مع انه اتفق معايا انه مو ناوي ولا راغب ولا يريد الاعلان .. هذا رقم واحد عندي مبهم ..لما سألته ليش ..قال بس ..ما ادري ..خلاص ..مافي ..
انا شفت اتفاقاتي معاه تنقض .. ما يهتم لما اقول له ولا اتفق معاه ..وغير مهتم فيا لا مشاعر لا احاسيس لا تقدير لا احترام لا اهتمام ..قررت بيني وبين,نفسي,الصمت والبعد والكتمان ..


ومافاد ابد ..لا كلام ..ولا صمت.. وكتمان ..ولا سكوت ..ولا تغاضي .. ولا معروف .. ولا احسان ..ولا شي,...
يمكن الحيوان تربيه,تطعميه تحسني اليه ماينكر لك جميل ..
هذا ولا شي فاد معاه ..
من العام شوال الى هذا الوقت ..وانا وهو في حالة صمت مطبق ..
يعني مايبغى ابد يتكلم يتناقش معايا في اي شي ..
ان ارسلت,مارد ..ان تكلمت قال,ماعندي شي اقوله ..
يا جماعة مو كدا ..الرسول صلى الله عليه وسلم قال رفقا بالقوارير,.. هذا مافي في قلبه ذرة رفق ولا حنان ولا معروف ليا ..
ياكل يشرب من يدي
يلبس ويجلس في البيت,
يدخل ويخرج
ولا يكلمني ولا يعبرني ولا يناديني ولا يسال عني ولا يحاول ولا اي شي,..


الحين سافر .. وحسيت انه الزوجة معاه ..
وسالته برسالة كالعادة مارد ..
سالته اتصال ..ومن مكرها وكيدها رفعت صوتها وهي تعرف انه يكلمني ..
جاوب وقال ايوا اخذتها معايا ..
خواتي ..ايش التصرف اللي راح تعملوه ..
اذا زوجك كل اجازة مدرسية ايا كانت صيفية ربيعية نصفيه ..يسافر ولا يفكر ياخذك معاه ..فجاة يتزوج ..وياخذها ..وبعدين ارملة وعندها اولاد ..عشان لاحد يقول ماعندها وانتي عندك اولاد وكدا ..
عقلي مشتت ..حاطة قرارات بيني وبين نفسي ..وابغا اسمع منكم ..ايش راح تعملوا اذا وقعتم في مثل حالتي ..اسال الله ان يحفظكم ولا يريكم سؤء في انفسكم ولا ازواجكم ولا ذرياتكم ولا بيوتكم ويجمع بينكم ويؤلف بينكم ويجعل المحبة والمودة والرحمة والسكينة تغشاكم وتحفكم وتعمكم وتحتويكم يارب ..