اخواني ممكن اشاوركم بشي!!

السلام عليكم ورحمة الله وش اخباركم ان شالله بخير
حبيباتي واخواتي انا اخذت المعرف هذا من صاحبته جزاها الله الف خير
لاكتب ماافي نفسي من هم عسى الله ان يفرجه من عنده
حبيباتي راح اكتب مشكلتي باختصار شديد
انا متزوجه وعندي اطفال من 11سنه تقريبا
معلقه من 4سنوات
زواجي كان كله نكد بسبب تسلط ام زوجي وضعف زوجي للاسف
وصل التسلط لابنائي والمواقف كثييييير
كان زوجي للاسف اذا تمشكلنا اخذ اولادي الي ماتتعدا اعمارهم سنتين بالاشهر عنده
بدون لايتفاهم او يناقش يلوي ذراعي بابنائي
ويضع شروط وبكل غرور يكلمني تبي ترجعي او كيفك!!!
طبعا غير موضوع امه الي كانت تمشي وتتكلم فيني كذب عند الحريم وهذا غير تحريش اهل بيتها علي من بنات واولاد وحتى خدم
تكذب وتتهمني كذب يااخواتي وانا كنت مستهينه بهالموضوع واقول غيره حريم واتجاها واعاملها عادي واهديها ومهما حصل بيننا من مشاكل ارجع طبيعي واسولف واضحك
للاسف اكتشفت انها هي وابنها يحيكون لي ويخططون وانا نايمه بالعسل
اكتشفت انهم يحقدون علي وعلى اهلي
والسبب غير معروف ووصل الموضوع انها تتهم اطفالي الصغار وتتكلم فيهم قدام الحريم وتحاول توضح انهم مومتربين وتمدح عيال بناتها!!
بعد هذي السنيييين كنت اشكي لوالدتي تقولي اصبري يابنيتي
الصبر زين
في النهايه .. تتهمني بموقف كذذب ويشهد علي الله
وتحرش ولدها وتكبر المشاكل ويطردني لبيت اهلي
وبعدها ياخذ اولادي اشهر ويكلموني ويسمعوني اولادي وهم يبكون وانا يعلم الله وش حالتي النفسيه من الصدمه ومن فقدي اولادي ومن تعجبي من الي حصل لانه تكلم فيني وصدق شي لايصدق
ونسى عشرة سنييين .. فجأه وصلني خبر زواجه وانه تكبم فيني وبأهلي بالسوء!!
وتكلم كذب وظلم حسبي الله عليه
وطلب مني ارجع ورفضت عزت علي نفسي يااخواتي
طلبت ورقتي ورفض وظلب مني ارجع واني ماسويت حرام!! وتجاهل ماقبل زواجه !!
بالنهايه يابنات رافض يطلق وانا رفضت ارجع لي فتره 4 سنوات بديرة اهلي انا واولادي وبدا باخر الفتره ينسى ابناءه ومازال مشحون وحاقد ويرى اي رد فعل اني اعانده رغم اني ببيت اهلي من سنيييين يعني ماشفته ولايوم !! رفضت ارجع له وللديره الي هو فيها واهله فيها ! وشرطت بيت بديرة اهلي وافق لكن رغم ذلك انا يابنات نفسي عااااااااافته بمعنى الكلمه وهو نفس غروره وتكبره يضع نقاط واسلوبه مستفز وكلمته الشهيره
هذا الي عندي !! رغم اني لما طلبت الطلاق بالبدايه كان يقول الي ودك وبعد اصراري رفض وبدا يتمسكن ولما شاف اني معزمه على الطلاق وكارهته بدا يطنش ولايتواصل معي ويرفض الطلاق بكل جفاف انا الان ماادري يابنات محتاره جدا هل انفصل وانساه وابدا من جديد !!
او ارجع في بيت عند بيت اهلي في ديرتهم ومتى ماجاء جاء وكيفه
للعلم زوجته انجبت طفله ويحاول بكل قوه ان يوصلي عن طريق اولادي ان عندي بنت واني بروح لموعد بنتي واني واني ولاادري وش يبي بالضبط مني انا انسانه ولله الحمد جميله قلبا وقالبا والكل يشهد لي ولله الحمد
عمري ماغلطت على احد كنت اخذ حقي بادب واحب الجميع وكان الكل يشهد لي من قريبات زوجي وخالاته وعماته بحبهم لي ويمدحوني ولله الحمد
لكن للاسف المعروف في غير اهله لايثمر!
الان يااخواتي انا في حيره ومر من عمري مامر
احيانا اشتاق لزوج حنون يعيش معي الحياه وتفاصيلها مازال فيني حماس وطاقه للحب والعطاء والاهتمام
اولادي ولله الحمد يحبووني وللاسف لايحبون ابوهم واحيانا يتكلمون عنه كلام سيء مااحب كلامهم عنه يضايقني ويقلقني كلامهم وشعورهم تجاهه
اشعر اني مشوشه ومتوتره وش رايكم اخواتي شوروا علي اسعدكم الله ، ولاتنسوني من الدعاء فأتا بأمس الحاجه